Hovik Abrahamyan

Howik Argami Abrahamjan (Armeensch:Հովիկ Արգամի Աբրահամյան); * 24. Januar 1958 in Mkhchyan, Armeensche SSR (hüdigendags Armenien)) weer vun'n 13. April 2014 bit 8. September 2016 Ministerpräsident vun de Republiek Armenien.

Howik Abrahamjan

Boren is Abrahamjan in dat Dorp Mkchyan, wat hüdigendags to de armeensche Provinz Ararat tohören deit. An de Univerität vun Jerewan hett he Weertschopswetenschoppen studeert. 1990-1991 weer he Baas vun en Afdeelung vun de Burasan Branntwienfabrik, 1991-1995 weer he Baas bi de Artaschat Wien- un Branntwienfabrik.

Politik

Vun 1995-1999 is Abrahamjan Afordenten in dat armeensche Parlament ween. 1995-1996 weer he Vörsitter vun dat Exekutivkomittee vun den Stadtraat vun Artachat. 1996 bit 1998 is he Borgermeester vun Artaschat ween. In de Johren vun 1998-2000 weer he Gouverneur vun de Provinz Ararat un in dat Johr 2000 is he Minister for Territorialverwaltung wurrrn. Up verscheden Posten höör he bit 2008 to dat Kabinett. Vun 2005 af an höör he to den Sekerheitsraat un 2007-2008 weer he stellvertredend Ministerpräsident. Vun'n 12. April bit 5. September 2005 weer he unner Präsident Sersch Sarkissjan Baas vun dat Kabinett. Nadem sien Broder Henrik as Afordenten vun dat Parlament Bott geven hett, is he an'n 24. August 2008 in dat Parlament wählt wurrn. An'n 29. September weer he al Präsident vun dat Parlament. In düt Amt hett he an'n 21. November 2011 Bott geven. Bi de Wahlen vun'n Mai 2012 is he wedder in't Parlament wählt wurrn un wedder Präsident vun dat Parlament wurrn. An'n 13. April 2014 hett Präsident Sarkissjan em to'n Nafolger vun Ministerpräsident Tigran Sarkissjan benömmt.

Abrahamjan is stellvertredenden Vörsitter vun de Republikaansche Partei vun Armenien (HHK), de in dat Land regeern deit un to de ok Präsident Sarkissjan tohören deit.

Weblenken

• Internetborn http://www.parliament.am/deputies.php?sel=details&ID=1051&lang=eng, dat Leven vun Abrahamjan up de Webstäe vun dat armeensche Parlament, up Engelsch