Humberto Sousa Medeiros
Humberto Kardinal Sousa Medeiros (* 6. Oktober 1915 in Arrifes, São Miguel, Azoren, Portugal; † 17. September 1983 in Boston, USA) weer röömsch-kathoolsch Arzbischop vun Boston.
Leven
ännern
Humberto Sousa Medeiros wurr 1915 in en Oortschap up de Insel São Miguel, Azoren, boren. 1931 is de Familie in de USA utwannert un leet sück in Fall River daal. He studeer Kathoolsch Theologie an de Catholic University of America in Washington, D.C. bit 1946 un wurr an’ 15. Juni vun dat sülvig Johr to’n Preester för dat Bisdom Fall River weeht. 1951 gung he nah Rom, wo he an de Gregoriana sien Doktertitel maakt hatt. 1958 wurr hüm de Titel vun en „Monsignore“ tospraaken.
Paapst Paul VI. hett hüm an‘ 14. April 1966 to’n Bischop vun Brownsville weeht. De Bischopsweehn wurr hüm vun Bischop vun Fall River, James Louis Connolly, an 9. Juni vun dat sülvig Johr send; Mitkonsekratoren weern de Weehebschööp James Joseph Gerrard ut Fall River un Gerald Vincent McDevitt ut Philadelphia.
An‘ 8. September 1970 hett hüm Paapst Paul VI. to’n Arzbischop vun Boston beropen. De Amtsinführen weer an‘ 7. Oktober vun dat sülvig Johr. As Bischop hett he sück den Problemen von Landarbeitern un de an‘ Rand vun de Sellschopp leven Minschen annommen. 1973 wurr he as Kardinalpreester vun Santa Susanna in dat Kardinalskollegium upnommen un nehm so an de beid Konklaven in‘ August un in‘ Oktober 1978 deel.
Humberto Sousa Medeiros weer de eerste Grootprior vun de Statthollereee Northeastern (USA) vun den Ridderorden vun dat Hillig Graff to Jerusalem.[1]
An‘ 17. September 1983 is he in dat Öller vun 67 Johren an de Folgen vun en Hartinfarkt storven un wurr up den St. Patricks Karkhoff in Fall River bisett.
Weblenken
ännern- Humberto Sousa Medeiros In: Salvador Miranda: The Cardinals of the Holy Roman Church. fiu.edu, Websteed vun de Florida International University; afropen an’ 22. Dezember 2017.
- Indrag to: Humberto Sousa Medeiros up catholic-hierarchy.org; afropen an’ 22. Dezember 2017
Enkeld Nahwiesen
ännern- ↑ A Brief History of the Northeastern Lieutenancy on the Occasion of its Silver Jubilee (Memento von’n 5. Oktober 2009 in dat Internet Archive), Ritterorden vom Heiligen Grab zu Jerusalem, abgerufen am 21. Januar 2012