Hymenektomie is de medizinsche Fackutdruck för en chirurgisch Wegmaken vun de Jumfernhuut (Hymen).

Normalerwies is dat bi ranwassen Deerns un Fronslüüd so, dat de Jumfernhuut vun alleen inrieten deit. Dat kann to’n Bispeel bi’n Sport passeeren, bi den Bruuk vun Tampons, bi’n Sex oder ok wenn een sülvst Hand anleggt. Dat kann aver ok vörkamen, dat de Jumfernhuut ok na mehrfacke Penetratschoon noch heel blifft, wat för de Fro denn bannige Pien bi’n Sex bedüden kann.

Dat kann dör de Hymenektomie gau afstellt warrn. De Ingreep is blots en lütten un warrt vun’n Fronsdokter tomeist ambulant dörföhrt. De Jumfernhuut warrt dorbi mit en lütten Snitt optrennt. Na en korte Tiet to’n Afhelen is dorna Geslechtsverkehr ahn Pien mööglich.