Igor Petrowitsch Wolk

Igor Petrowitsch Wolk (russisch: И́горь Петро́вич Волк}}, wetenschaplich Transliteratschoon Igor' Petrovič Volk; * 12. April 1937 in Smijiw, Oblast Charkow, Ukrainische SSR; † 3. Januar 2017) weer en Pilot un ehmalger sowjeetsch Kosmonaut. Wolk is as Testpilot bi de eerst Flüüg vun den Buran-Prototyp OK-GLI flagen.

Igor Wolk an' 2. Oktober 2008

Igor Wolk, Thomas Reiter,Charlie Duke bi de Eröffnung vun de Ruumfohrthall vun dat Technik-Museum Speyer an' 2. Oktober 2008.

Leben

Igor Wolk hett 1956 de Militärflegerpilotenschool in Kirowograd afsolveert, bevör he de Filiale „Strela“ vun dat Moskauer Staatlich Luftfohrtinstitut besöch, dat he 1969 spoodriek afslooten hett. Nahdem Wolk 1978 as Kosmonaut utwählt wurrn weer, fung he in' Dezember 1978 de Grundutbillen för Kosmonauten OKP an, de he nah Övernahm dör de Staatliche Tüschenbehördliche Kommission an' 30. Juli 1980, de de Piloten as Kosmonaut för dat Buran-Programm bruuken wull, in' Juli 1980 afsluuten kunn.

1984 weer Igor Wolk as Forschungskosmonaut ünner dat Kommando vun Wladimir Alexandrowitsch Dschanibekow neben Swetlana Jewgenjewna Sawizkaja Liddmaat vun de veerte Gastmannschap vun Saljut 7, de to dissen Tietpunkt dör de Kosmonauten Leonid Denissowitsch Kisim, Wladimir Alexejewitsch Solowjow un Oleg Jurjewitsch Atkow besett weer. De Start mit dat Ruumschipp Sojus T-12 weer an' 17. Juli 1984. Nah 11 Daag 19 Stünn un 36 Minüüt, sünd se mit dat glieker Ruumschipp an' 29. Juli 1984 weer land. Dat bleev för Wolk denn ok sien eenzig Ruumfloog; dat Buran-Programm wurr nie nich bemannt dörführt.

Nahdem Wolk 1996 ut dat Kosmonautenkorps utscheeden weer, hett he as ziviler Testpilot för dat Flugforschungsinstitut vun dat Russisch Ministerium för Luftfohrtindustrie. Nah sein 40-johrig Deenstjubiläum gung Wolk an' 26. Februar 2002 in Rente. He is Oberst vun de Reserve vun de russisch Luftstrietlräfte un betätigt sück ok as Utfinner. Sien Projekt „Lark“ befaat sück mit en Auto, dat Floogeegenschapen hemm sall.

Privates

Wolk weer verheiraadt un harr twee Kinner.

Literatur

• Peter Stache: Raumfahrer von A bis Z. Militärverlag der Deutschen Demokratischen Republik, Berlin [Ost] 1988, ISBN 3-327-00527-3.

Weblenken

Igor Wolk. Mehr Biller, Videos oder Audiodateien to’t Thema gifft dat bi Wikimedia Commons.

• Encyclopedia Astronautica: Biografie (engelsch)
• spacefacts.de: Körtbiografie