Wikipedia

Igor Rausis

Igor Rausis (* 7. April 1961 in Kommunarsk, Ukrainische SSR; † 28. März 2024)[1] ) weer en tschechisch Schachspeler.

Igor Rausis bi dat Schachturnier 11. Winterthurer Schachwoche 2011

He fung sien Schachkarriere noch in de ukrainischen Deelrepubliek vun de Sowjetunion an, Midden vun de 1980er-Jahre gung he in de lettische Deelrepubliek un speel bit 2003 för Lettland. In de Johren 2003 bit 2007 speel he för Bangladesch[2], siet 2007 weer he bi de FIDE för Tschechien meld.[3] Rausis kreeg 1992 den [[Grootmeester (Schach)|Grootmeestertitel]. För de lettische Natschonalmannschap speel he dreemal (1996, 1998 un 2002) bi de Schacholympiade[4] as ok bi Mannschapsweltmeesterschap 1993.[5]

Rausis weer Trainer vun de Natschonalmannschap vun de Vereenigt Araabsch Emirate,[6] bi de Schacholympiade 2008 weer he Trainer vun de Natschonalmannschap vun Bangladesch, bi de Schacholympiade 2010 weer he Natschonaltrainer vun Algerien.[7] In 1985/86 weer he en vun de eerst Trainer vun Alexei Schirow,[8] he hett ok den U-20 Juniorenweltmeester Ahmed Adly traineert.[9]

Rausis hett wunnen oder vördere Plätze in mehreren Turnieren beleggt: I–III. Platz in Saint Martin (1991), I. Platz in Moskau (1992), I–II. Platz in Viernheim (1992), I–III. Platz in Las Palmas (1995), I–II. Platz in Gausdal (1995), I. Platz in Enghien-les-Bains (1995), I. Platz in Jyväskylä (1996), I. Platz in Willsbach (1997), I–II. Platz in Gausdal (2000), I–VII. Platz in Kairo (2001)[10], I–IV. Platz in Gausdal (2002), I. Platz in Bad Bocklet (2002), I. Platz in Lienz (2003), I–III. Platz in Bogny-sur-Meuse (2004), I–IV. Platz in Esbjerg (2006)[11], II–III. Platz bi dat Keres Memorial in Tallinn (2008), II. Platz bi dat GM-Turnier Aluschta (2008), I. Platz in Uxbridge 2009 un 2010[12] un I. Platz bi dat Open in Dieppe 2010.[13]

Sien best Elo-Tall weer bitlang 2686. De hett he in‘n July 2019 reckt. In de Maand hemm se hüm aber ok bi't Bedreegen erwischt, as he bi en Turnier mit Handy up de Toilette sien Partie nahspeelt un analyseert hett, wat verboden is. Up den Kieker harrn se hüm all länger. Dat stunn to verwachten, dat hüm de FIDE sparren dee.[14]. He hett to glieker Tiet sien Rücktoog van't Schach verklort.

An'n 5. Dezember 2019 wurr he vun de Ethikkommission vun de FIDE för söss Johren sparrt. Buterdem wurr hüm de Grootmeestertitel wegnommen.[15]

In'n Oktober 2020 nehm he ünner de Naam Isa Kasimi an en nich to en Elo-Utwerten anmelld Schnellschach-Turnier in Valka deel. Dor wurr he vun den lettischen Grootmeester Arturs Neikšāns erkannt un hett nah de sien Protest freewillig dat Turnier verlaaten.[16]

Wessel vun sien Naams ännern

Igor Rausis wurr as Igor Kondylew (russ. Кондылев) boren. Nah sienr Heirat mit de lettiscn Grootmeesterin Olita Rause nehm he deren Familiennaam in de Form Rausis an. Ünner disse Naam hett he de wesentliche Phasen vun sien Schachloopbahn bestreeden. Nah dat Bedregeree van 2019 hett he sien Naam nochmals wesselt un heet nu nah de Naam vun sien tweet Ehefru (Ajgul Kasimova) Isa Kasimi.[17]

Weblenken ännern

  Igor Rausis. Mehr Biller, Videos oder Audiodateien to’t Thema gifft dat bi Wikimedia Commons.

Enkeld Nahwiesen ännern

  1. ↑ Alexei Schirow: In memoriam: GM Igor Rausis (1961–2024). In: Blog Šah-mat liste. 28. März 2024, afropen an’n 28. März 2024 (bosnisch).
  2. ↑ Chess Players who changed federations in 2003 (engelsch)
  3. ↑ Chess Players who changed federations in 2007 (engelsch)
  4. ↑ Igor Rausis sien Ergevnisse bi Schacholympiaden up olimpbase.org (engelsch)
  5. ↑ Igor Rausis sien Ergevnisse bi Mannschaftsweltmeesterschapen up olimpbase.org (engelsch)
  6. ↑ Freitag ist Frei-Tag in Dubai afropen an' 15. Oktober 2011
  7. ↑ FÉDÉRATION ALGÉRIENNE DES ÉCHECS afropen an' 15. Oktober 2011
  8. ↑ Alexei Schirow: Fire on Board, Shirov’s Best Games, Everyman Publishers 1996, Siet 16
  9. ↑ 'The greatest Arab player since Stamma' afropen an' 15. Oktober 2011
  10. ↑ ChessBase Megabase 2008
  11. ↑ Individual Calculations: Rausis, Igor (engelsch)
  12. ↑ ChessBase Megabase 2011
  13. ↑ Archive. Tournament report November 2010 (engelsch), afropen an' 13. Oktober 2011
  14. ↑ https://www.chess.com/news/view/igors-rausis-58-under-investigation-of-cheating (engelsch)
  15. ↑ FIDE Ethics Commission announces the sanctions against Igor Rausis, fide.com, 5. Dezember 2019.
  16. ↑ Peter Doggers: Banned For Cheating, Igors Rausis Enters Tournament Under Different Name, Chess.com, 11. Oktober 2020
  17. ↑ Nahroop bi chess.com
Vun „https://nds.wikipedia.org/w/index.php?title=Igor_Rausis&oldid=1014417“