Imerio Massignan

Imerio Massignan (* 2. Januar 1937 in Altavilla Vicentina; † 3. Mai 2024 in Novi Ligure) weer en italieensch Radrennfohrer.

Sportliche Laufbahn

Imerio Massignan weer van 1959 bit 1971 Profi. He weer besünners in de Bargen goot. Glieks in sien eerst Profijohr wur he Tweet in de Bargwertung van den Giro d’Italia (achter Charly Gaul), as ok Fieft in de Gesamtwertung. Insgesamt is he teihnmal bi den Giro an den Start gahn un keem dorbi fief Mal ünner de best Teihn an. 1960 wurr he nochmals Tweet in de Bargwertung un 1961 Dart.

Dreemal is Massignan bi de Tour de France an den Start gahn. Dorbi hett he 1960 und 1961 de Bargwertung wunnen. In de Gesamtwertung keem he 1960 up den teihnten Platz, 1961 Veert un wunn dorbi een Deelstreck. 1962 keem he in de Gesamtwertung up Platz 7 rin un wurr Tweet in de Bargwertung achter Federico Bahamontes. In dat sülvig Johr keem he bi de Lombardei-Rundfohrt up den tweeten Platz.

In sien gesamte Loopbahn as Profi hett he an’t Enn blots 4 Siege schafft.. De Datenbank Radsportseiten.net wiest 7 Siege up, dorin sünd aber ok de Siege bi de Bargwertungen mit in.

1963 wurr Imerio Massignan an en Nephritis krank, de dorto führen dee, dat 1964 längere Tiet utsetten muss un sien Leistungen af 1966 wat nahleeten.

Literatur

2012 keem dat Book Imerio. Romanzo di dannate fatiche van Marco Ballestracci, dat an dat Bispeel van Massignan romanhaft vertellt, wu bittere Armoot un Perspektivlosigkeit in den 1950er un 1960er Johren jung Italiener dorto broch, Profi-Radrennfohrer to wurrn.

Weblinks

• Imerio Massignan in de Datenbank van Radsportseiten.net