Hauptmenü öffnen

Britt Inger Björkbom (* 6. November 1961 in Sveg) is en ehmalge sweedsch Biathletin.

Inger Björkbom hörr gemeensam mit Sportlerinnen as Eva Korpela, Mia Stadig, Sabine Karlsson un Anna Hermansson to de eerst Generatschoon vun sweedsch Biathletinnen, de mit sowjeetsch, norweegsch un deelwies ok finnisch Athletinnen de Weltspitze vun de Inführen vun de Weltmeesterschapen 1984 bit to de eerst Olympisch Winterspelen an de 1992 in Albertville ok Fruen deelnehmen drüffen, billen deen. Se is für Biathlon Östersund IF antreeden.

Björkbom nehm 1986 in dat heimisch Falun eerstmals an Weltmeesterschapen deel un wunn dor mit Eva Korpela un Sabine Karlsson achter de to de Tiet övermächtigen sowjeetschen Staffel de Sülvermedaille. Ok in't Eenzel reck se en gooden Platz 10, in' Sprint keem se dorgegen up Platz 16 rin. Een Johr later kunn se in Lahti de Sülvermedaille in de Staffel achter de Sowjetunion un weer vör Norwegen verteidigen. Björkbom gung as Startlöperin in't Rennen, dornah folgen denn Mia Stadig un Eva Korpela. In't Eenzel keem se up den 29. Platz. 1988 hemm sück in Chamonix de Norwegerinnen vör de Swedinnen sett, de somit up den darten Platz in de glieker Besetten as in dat Vörjohr kommen deen.

Weniger spoodriek verleepen de Weltmeesterschapen 1989 in Feistritz, wo eerstmals Manlüüd un Fruen gemeensam hör Weltmeesterschapen utdragen deen. Björkbom wurr in' Sprint 17. un in dat Eenzel 21. In dat Staffelrennen keem se Sabine Karlsson un Mia Stadig nah dree spoodriek Johren in de Medaillenrängen blots up Platz 7. Um een Rang beter platzeer se sück mit Karlsson, Anna Hermansson un Stadig in den eerstmals utdragen Mannschapswettbewarf. Bi de ut Witterungsgrünnen neben Minsk ok in Oslo utdragen Weltmeesterschapen 1990 verpass Björkbom gegen Petra Schaaf as Veertplatzeerte um een Rang en Eenzelmedaille. In' Sprint keem se up den 19. Platz un in dat Staffelrennen gemeensam mit Stadig und Hermansson up Rang fiev. De Welttitelkämpe 1991 in Lahti weern för hör ok de letzten Weltmeesterschapen. In't Eenzel keem se up Platz 12 un wurr mit Carolin Hilden as ok den Twillings Catarina un Christina Eklund Fievte in dat Mannschapsrennen.

Karrierehööchtpunkt un to glieker Tiet dat Enn vun hör Loopbahn wurr de Deelnahm an de eerstmals utdragen olympisch Biathlonwettbewarfen för Fruen 1992 in Albertville. Up de Strecken vun Les Saisies wurr se in't Sprintrennen 26., keem in't Eenzel up Rang 12 un wurr mit Christina Eklund un Mia Stadig Staffel-Sösste. In' Weltcup kunn se Top-Ten-Platzeeren recken. Nah den olympisch Spelen hett se hör Loopbahn afslooten.

WeblenkenÄnnern