De Inspiral Carpets sünd en britische Musikgrupp, de sik twüschendör oplöst harr.

Historie vun de Grupp ännern

De Grupp is 1983 vun de beiden Schoolfrünnen Graham Lambert un Stephen Holt in’t engelsche Manchester grünnt worrn, de sik noch den Slagtüüchspeler Craig Gill dortohalt harrn.[1] Anfungen hett de Grupp toeerst mit Punk. Enn vun de 1980er Johren keem in Grootbritannien de Madchester-Bewegung op, woneem de Inspiral Carpets denn ok vörn mit dorbi weern. To de Tiet hebbt se mit to de bekanntsten Gruppen vun Grootbritannien höört. Jemehr gröttsten Hits weern This Is How It Feels (1990), Dragging Me Down (1992) un Saturn 5 (1994).

Na 1994 is vun de Grupp keen Studioalbum mehr rutkamen. To en Snitt is dat na de Publikatschoon vun de Retrospektiv The Singles kamen, as Enn vun 1995 de Platenverdrag twüschen de Grupp un dat Label Mute Records oplööst worrn is. In de Tiet dorna hebbt sik de Liddmaten mit annere Projekten befaat. To’n Bispeel is Tom Hingley mit sien Grupp The Lovers aktiv wesen. Deelwies geev dat ok persönlichen Striet twüschen de Lüüd.

In’t Johr 2003 hett sik de Grupp aver wedder tohopendoon un en gröttere Tournee maakt. Dat glieke geev dat ok 2006 un 2007. De Kunzerten harrn groten Spood un weern meist all utverköfft. In’n März 2007 is tietgliek to de Tour dat Album Keep The Circle rutkamen, dat aver blots to’n Rünnerladen as iTunes to kriegen is. Dorop sünd vör allen B-Sieten un rore Songs to höörn. En Hööchpunkt vun jemehr Loopbahn weer de Optritt in’t G-Mex in Manchester vör 14.000 Fans – dorvun gifft dat in Grootbritannien en DVD mit Utsnieden to köpen.

To de aktuelle Besetten vun de Inspiral Carpets höört blangen de dree Grünners Graham Lambert (Gitarr), Stephen Holt (Singer) un Craig Gill (Slagtüüch) noch Martyn Walsh (Bass) un Clint Boon (Keyboard).

Diskografie ännern

Studioalben ännern

  • 1989 – Dung 4 (Kassett)
  • 1990 – Life, UK #2
  • 1991 – The Beast Inside, UK #5
  • 1992 – Revenge Of The Goldfish, UK #17
  • 1994 – Devil Hopping, UK #10

Kumpilatschonen ännern

  • 1995 – The Singles
  • 1996 – Radio 1 Sessions
  • 2003 – Cool As
  • 2003 – Greatest Hits
  • 2007 – Keep The Circle

Borns ännern

  1. Dave Thompson: Alternative Rock, Miller Freeman, 2000, ISBN 0-87930-607-6, S. 425-427

Weblenken ännern