István Bilek
István Bilek (* 11. August 1932 in Budapest, † 20. März 2010) weer en ungarschen Schachspeler un Schachpublizist.
He wunn 1962, 1964 un 1970 de ungarsche Landsmeesterschap. 1957 kreeg he den Titel as Internatschonaler Meester un 1962 is he Grootmeester wurrn.
Man seggt hüm nah, dat he nich mit de letzte Konsequenz spelen de un ok licht in Tietnot keem.
Liekers kunn he woll Erfolge vörwiesen. So beleg he 1964 bi dat Zonenturnier in Kecskemét en deelten 2. Platz un wunn to'n Johreswessel 1964/65 ok dat Turnier vun Reggio Emilia. Mit de ungarsch Manschap wurr he 1966 bi de Schacholympiade in Havanna Darte (3. Brett), 1970 in Siegen Tweete (3. Brett) as ok 1972 in Skopje nochmals Tweete (2. Brett). In Skopje gelung hüm ok en beachtlich Siegpartie tegen Viktor Kortschnoi.
Böker
ännern- Gyõzelmünk a sakkolimpián, Unser Sieg bei der Schacholympiade, 1979, ISBN 963-253-367-4
- Versenyfutás az aranyérmekért, Rennen um die goldene Medaille, 1980
- Örökös sakkban, Im ewigen Schach, 1987, ISBN 963-09-4543-6
- Magyar sakktörténet 3., Ungarische Schachgeschichte 3., 1989
- Barcza Gedeon, 1990