István Csom
István Csom (* 2. Juni 1940 in Sátoraljaújhely; † 28. Juli 2021[1]) weer en ungarsch Schachspeler un-schiedsrichter.
Leven
ännernVun de FIDE kreeg he 1967 den Titel Internatschonaler Meester un 1973 den Grootmeestertitel. Af 1991 weer he ok offizieller Internatschonaler Schiedsrichter vun de FIDE. De Ungarsche Schachverband hett hüm 2005 den Maróczy-Pries tospraaken. In dat sülvig Johr kreeg he dat Offizierskrüüz vun den Ungarschen Verdeenstorden.[1]
1972 un 1973 (deelt mit Zoltán Ribli) wurr he ungarsch Meester. He hett verscheeden Turniere wunnen so to’n Bispeel Amsterdam (1969), Olot (1973), Cleveland un dat Zonenturnier in Pula (1975), as ok Hannover (1976), Berlin (1979), Kopenhagen (1983), Järvenpää (1985) un Delhi (1987). Bi de Seniorenweltmeesterschap 2001 in dat italieensch Arco keem he achter Jānis Klovāns up den tweeten Platz. Sien hööchste Elo-Tall weer 2545, de he in’n Januar 1989 recken dee.
As Trainer hett he ünner annern Ferenc Berkes traineert.[1] Över völ Johren weer Csom ok as Sekundant för Lajos Portisch aktiv. [2]
Mannschapsschach
ännernNatschonalmannschap
ännernCsom hett mit de ungarsch Natschonalmannschap tüschen [Schacholympiade 1968|1968]] un 1988 an negen Schacholympiaden deelnommen. He wunn dorbi de Schacholympiade 1978, buterdem reck he 1970, 1972 un 1980 tweet Plätze un reck 1980 todem dat beste Eenzelergevnis an dat veerte Brett.[3]
Bi de Mannschapsweltmeesterschap 1985 in Luzern belegg he mit dat ungarsch Team den tweeten Platz, he sülvst reck an dat eerst Reservebrett dat tweetbeste Eenzelergevnis.[4] Tüschen 1970 un 1992 nahm Csom an söss Mannschapseuropameesterschapen deel. Mit de Mannschap reck he dreemal den tweeten Platz un tweemal Platz 3, 1973 wunn he de Eenzelwertung an dat fiefte Brett.[5]
Vereene
ännernIn den 1970er un 1980er Johren speel Csom för Spartacus Budapest, mit den he sössmal an den European Club Cup deelnommen hett un den 1982 ok winnen dee.[6], later för den ASE Paks. In’n öösterriekschen Ligabedriev speel Csom bit to de Saison 2001/02 för Stein/Steyr, siet de Saison 2007/08 för Kremsmünster; in’n düütschen Vereensschach speel he toletzt för den Preetzer TSV in de Saison 2001/02.
Weblinks
ännern
Enkeld Nahwiesen
ännern- ↑ a b c Artikel to sien Dood van’n 28. Juli 2021 up Origo Sport (ungarsch)
- ↑ https://de.chessbase.com/post/istvan-csom-1940-2021
- ↑ István Csom sien Ergevnisse bi Schacholympiaden up olimpbase.org (engelsch)
- ↑ István Csom sien Ergevnisse bi Mannschapsweltmeesterschapen up olimpbase.org (engelsch)
- ↑ István Csom sien Ergevnisse bi Mannschapseuropameesterschapen up olimpbase.org (engelsch)
- ↑ István Csom sien Ergevnisse bi European Club Cups up olimpbase.org (engelsch)