Hauptmenü öffnen

Jürg Marmet (* 14. September 1927 in Bern; † 8. März 2013 in Allschwil) weer en Swiezer Bargstieger, Bargführer un Chemiker.

LevenÄnnern

Marmet studeer Chemie an de ETH un hett dat mit en Dissertatschoon över Humantoxikologie afslooten. He weer ünner annern Direkter vun de Afdeelen Agrarchemie vun de Firma Hoffmann-La Roche in Basel. He hett todem dat Swiezer Bargführerpatent maakt un tallriek Tippen in de Alpen bestegen.

Van 1952 bit 1958 weer he Rettungsfallschermer un Bargredder bi de Swiezer Reddenswacht, utbildt bi de Royal Air Force.

As Wetenschapler un Bargführer nehm he 1953 an de Baffin Island Expeditschoon vun dat Arctic Institute of North America deel, dorbi gelung hüm, mit annern tosommen, söben Eerstbestiegen, dorünner an' 13. Juli 1953 de Mount Asgard (2011m) un de Tête Blanche (2156m), hööchste Barg vun de Halfinsel Cumberland.

1956 weer he Liddmaat vun de Swiezer Everest-Lhotse-Expeditschoon, bi de he för de Suerstoffgeräte verantwortlich weer. Jürg Marmet gelung dorbi gemeensam mit Ernst Schmied an' 23. Mai 1956 de tweet Bestiegen vun den Mount Everest. Beid weern dormit de eerste Swiezer up den hööchsten Barg vun de Eer.

1960 folg en wetenschaplich Expeditschoon nah Axel Island westlich vun Grönland.

Marmet weer bit 2003 Präsident vun de King Albert I. Memorial Foundation, wiels teihn Johren Präsident un later Ehrenpräsident vun de Swiezer Stiftung för Alpine Forschung.

Marmet weer verheiraadt un harr dree Kinner. 1992 wurr he pensioneert un leev in Allschwil. In März 2013 is he nah en langer Krankheit storven.

LiteraturÄnnern

  • Jürg Marmet: Cumberland – Ein Traumland für Bergsteiger. In: Berge der Welt, 9. Band 1954.
  • Albert Eggler: Gipfel über den Wolken – Lhotse und Everest. Zürich 1956.
  • Audrey Salkeld: World Mountaineering. London 1998 (über den Mount Asgard).
  • Daniel Anker: Jürg Marmet: Vom Everest zum Tamaro. In: Uomini, storie, montagne. 100 anni di immagini e testimonianza alpine. Bellinzona 2004.

WeblenkenÄnnern