Jürgen Jürgensen (Neddersassen)

Jürgen Jürgensen (* 31. März 1933 in Hamborg) is en düütschen Politiker von de SPD.

Jürgensen is 1933 in Hamborg boren. He hett de Reifeprüfung 1952 in Veern maakt. 1958 is he Mitarbeider von de Landsfinanzverwaltung worrn un weer toletzt Bedrievsprüfer bi dat Finanzamt Rodenborg. He is in verscheden Vereenigungen un Verbänn aktiv, ünner annern in de Gewerkschaft ÖTV, in’n Karkensenaat un de Landssynood von de Evangeelsch-luthersche Landskark Hannover un in’n Karkenkreisdag Rodenborg. 1964 is he in Rodenborg Raadsherr worrn un 1965 Afornten in’n Kreisdag von’n Landkreis Rodenborg. In de Johren 1965 bet 1968 un 1972 bet 1974 weer Jürgensen Börgermeester von Rodenborg. In de Johren 1968 bet 1972, 1974 bet 1976 un na 1981 weer he Viez-Börgermeester. Von 1974 bet 1976 weer he tweten Viez-Landraad von’n Landkreis Rodenborg.

Jürgens weer von’n 21. Juni 1970 bet 20. Juni 1986 (sövente bet teihnte Wahlperiood) Maat von’n Landdag von Neddersassen. He is över de Landslist in’n Landdag intagen.

He is verheiraadt un hett fiev Kinner.