Hauptmenü öffnen

LoopbahnÄnnern

VereensÄnnern

Buxtehuder SV, bit 1960Ännern

Jürgen "Kubbi" Kurbjuhn wuss nah de Verdrieven in den Buxthuder Stadtdeel Altkloster up un hett sück de Jöögdafdeelen vun den Buxtehuder SV anslooten. As A-Jöögdspeler wurr he an' 15. Mai 1958 in de DFB-Jöögdnatschonalmannschap bi dat Lännerspeel in Flensborg gegen Däänmark beropen. Bi den 4:2 Sieg vun de düütsch mannschap speel he an de Siet vun Friedel Rausch, Jürgen Sundermann un Willibert Kremer. 1959 geev he sien Debüt in de Düütsch Footballnatschonalmannschap vun de Amateure Bit 1960 keemen noch wiedere 5 Insatzen in disse Natschonalmannschap. To de Runn 1960/61 is he to den nee Düütschen Footballmeester Hamborger SV in de Football-Böverliga Nord.

Hamborger SV, bit 1972Ännern

Trainer Günter Mahlmann hett hüm glieks an den eersten Speeldag vun de Runn 1960/61 as Afwehrspeler insett. Bit to dat Enn' vun de Böverliga-Ära, 1962/63, keem de tweekamp- un konditschoonsstark Kurbjuhn up 78 OInsatzen, in de he een Door schaaten hett.

Kurbjuhn hörr ok to de Aktiven, de den eersten Speeldag vun de nee Football-Bundsliga, an 24. August 1963 mitmaakt hemm. An' 14. August 1963 harr he all mit de Mannschap vun den HSV den DFB-Pokal wunnen. Bit to de Saison 1971/72 keem Jürgen Kurbjuhn up 242 Bundsligaspelen, in de he 10 Doren schaaten hett. Dat letzt Bundsligaspeel hett Kurbjuhn an 30. Oktober 1971 maakt. Verletzungsfolgen leeten en fortsetten vun sien Loopbahn dorna nich mehr to.

Natschonalmannschap, 1961 bit 1966Ännern

Nahdem he all en Insatz in de Junioren-Utwahl U-23 vun den DFB harrt harr, speel he an' 11. April 1962 eerstmals in de A-Natschonalmannschap. Bi den 3:0-Erfolg gegen de Mannschap vun Uruguay bill he mit Karl-Heinz Schnellinger dat düütsch Verteidigerpaar. He hörr dornah ok to'n Kader för de Football-Weltmeesterschap 1962 in Chile, keem aber nich to'n Insatz. Insgesamt hett he tüschen 1962 un 1966 fiev Lännerspelen maakt.

Nah sien Football-LoopbahnÄnnern

De lernt Bankkoopmann weer nah sien sportlich Loopbahn as Versekerungs- bzw. Immobilienmakler tätig un bedreev in Buxthu en Agentur. In den 1970er Johren hörr Kurbjuhn ok den Stadtraat vun sien Heimatstadt an. He weer as Parteiloser up de List vun de CDU wählt wurrn, hett sien Mandat aber all nah twee Johr daalleggt.[1]

LiteraturÄnnern

  • Lorenz Knieriem/Hardy Grüne, Spielerlexikon 1890-1963, Agon-Verlag, 2006, ISBN 3-89784-148-7
  • Jens R. Prüß (Hg.), Spundflasche mit Flachpaßkorken, Die Geschichte der Oberliga Nord 1947-1963, Klartext-Verlag, 1991, ISBN 3-88474-463-1
  • Matthias Weinrich, Die Gründerjahre 1963-1975, Agon-Verlag, 1998, ISBN 3-89784-132-0

WeblenkenÄnnern

Enkeld NahwiessenÄnnern

  1. Hamburger Abendblatt, 26. Juni 2000, Siet 5.