Jacob van Schuppen

Jacob van Schuppen (* 26. Januar 1670 in Fontainebleau; † 29. Januar 1751 in Wien) weer Hoffmaler an den Kaiser sien Hoff in Wien.

Jacob van Schuppen (Sülmsportrait)

Leven

Prinz Eugen vun Savoyen, Öl up Linndook, 1718. Dat Bild is up Duer utlehnt vun dat Rijksmuseum, Amsterdam, un hangt in Eugen sien vörmolig Slott Belvedere in Wien.

Van Schuppen is 1716 na Wien beropen wurrn. Kaiser Karl VI. hett em 1726 to'n Direkter vun de „K.k. Hofakademie der Maler, Bildhauer und Baukunst“ maakt. De hett he eerst mol ganz nee up'e Fööt stellt. Nadem de Kaiser sturven weer, is de Akademie vun den Hoff vun 1740 af an nich mehr groot unnerstütt wurrn un se möss in van Schuppen sien Privathuus umtrecken. De Unnerricht is denn instellt wurrn. Een Johr, ehr van Schuppen sülms sturven is, is de Akademie unner Upsicht vun den neen Upper-Hoffbodirekter Adam Philipp Losy von Losinthal stellt wurrn. To de wichtigsten Biller vun van Schuppen tellt Portraits un Altarbiller in de Karlskarken un de Kark vun de Salesianerinnen in Wien. Dor kaamt denn noch Dekenbiller in den Eroica-Saal vun dat Palais Dietrichstein-Lobkowitz to.

Galerie

• 
  Prinz Eugen vun Savoyen
• 
  De Gitarrenspeler
• 
  De Schaaphöders beedt an
• 
  Adelige kaamt an en Disch in en Kamer tohopen

Literatur

• Pierre Schreiden: Jacques van Schuppen (1690-1751). In: Wiener Jahrbuch für Kunstgeschichte. Bd. 35, 1982, S. 1–107.

Weblenken

Jacob van Schuppen. Mehr Biller, Videos oder Audiodateien to’t Thema gifft dat bi Wikimedia Commons.

• Werke von Jacob van Schuppen in: Digitales Belvedere
• Simon Mraz: Das gescheiterte Akademieprojekt van Schuppens in den 1730er und 40er Jahren (PDF-Datei; 1,63 MB) Magisterarbeit, Universität Wien, 2007, S. 88–117