Jamba (Appel)
Jamba is en middelgroten bit groten Huusappel (Malus domestica). De Appel is fröh riep, he kann af Mitt August bit in’n September plückt warrn un denn foorts un bit in’n Oktober rin eten warrn. De Appelsort kann blots lütte Tiet – ungefäähr een Maand – lagert warrn.
De Appel hett en gladde Schaal, de en beten wassordig is. De Klöör is geelgröön, op de Sünnsiet bit lüchtend root. Dat Fruchtfleesch is middelfast, vun gröön-witte Klöör un saftig. In’n Smack is de Jamba en beten süerlich.
De Appel is 1954 vun de Aaftboversööksanstalt in Moorende in de Gemeen Jörk in’t Oolland rutbrocht worrn. Jamba is krüüzt woorn ut de Sorten Melba un James Grieve.