Jan-Henrik Horn (* 29. Dezember 1944 in Hamborg; † 22. Dezember 2002 in Grootweurn) weer en düütschen Jurist un Politiker von Bündnis 90/De Grönen.

Horn is 1944 in Hamborg boren. Na dat Abitur 1965 hett Horn Juristeree an de Universität Hamborg studeert. Von 1975 bet 1979 weer he Richter an dat Verwaltungsgericht Stood un von 1979 bet 1980 an dat Sozialgericht Hamborg. He weer von 1990 bet 1991 Regerungspräsident von’n Regerungsbezirk Hannover un von 1991 bet 1994 Staatssekretär in dat Neddersassische Ümweltministerium.

Horn weer bi de Landdagswahl in Neddersassen 1994 Kannedaat för de Grönen in’n Landdagswahlkreis Buxthu un hett dor 6,8 % von de Eerststimmen kregen.

Horn weer en Mitgrünner von’n Stoder Kreisverband von de Grönen un von November 2001 bet Juni 2002 Landsvörsitter von de Grönen in Neddersassen. Tosätzlich weer he Raadsherr in’n Gemeenraad von de Gemeen Jörk un von 1991 bet to sien Dood 2002 in’n Samtgemeenraad von de Samtgemeen Himmelpoorten. Von 1981 bet 1991 weer he in’n Kreisdag von’n Landkreis Stood un weer dor Frakschoonsspreker von de Grönen.[1]

Horn hett toletzt in Grootweurn leevt. He hett 1982 freet un harr dree Kinner.

Literatur ännern

  • Norbert Beleke (Rutgever): Wer ist wer? Das deutsche Who’s who. 41. Ausgabe. Schmidt-Römhild, Lübeck 2002, Sied 635

Footnoten ännern

  1. Ludger Fertmann: Trauer um Jan-Henrik Horn. In: Hamburger Abendblatt von’n 24. Dezember 2002