Jan Böhmermann
Jan Böhmermann (* 23. Februar 1981 in Bremen) is en düütschen Satiriker un Moderater bi Höörfunk un Feernsehn. He is ok togange as Filmproduzent, Schriever un Journalisten. Sunnerlich bekannt wurrn is he vunwegen sien Mitmaken bi dat Neo Magazin Royale.
Leven
ännernBöhmermann is as Söhn vun en Polizeibeamten[1] in den Bremer Stadtdeel Gröpeln boren wurrn. Upwussen is he in Aumund, wat to den Staddeel Veesack tohörn deit. As he 17 Johr oold weer, hett he sien Vadder verlaren[2] Böhmermann hett en Reeg Kinner.[3][4]
Striet um Böhmermann
ännern#Varoufake
ännernIn’n März 2015 hett Böhmrmann dör en Satire-Bidrag en Striet utlööst, as he seggt hett, en Video mit Yanis Varoufakis dor up, de den Middelfinger wiesen deit, weer nich echt, he, Böhmermann harr dor an rummuddelt. Varoufakis weer to düsse Tied Finanzminister vun Grekenland un dat seeg up dat Video so ut, as wenn he de Düütschen den Middelfinger wiesen dö, vunwegen, datt Bundskanzlersche Merkel un de düütsche Finanzminister Schäuble sik in de EU dor for insett harrn, de Greken vunwegen ehre Finanzkrise duchtig ran to nehmen. Dat Video weer vun Günther Jauch weer as „echt“ betekent wurrn.[5][6] Dat ZDF hett later kloor stellt, dat hannel sik bi Böhmrmann siene Sendung um Satire.[7][8] En ganzen Barg Kommentaters menen, dat weer genial ween, wie Böhmermann de Medien mit siene Satire for’n Narren harrt hett. De „Wiener Zeitung“ hett online schreven, dor hannel sik dat „wohrschienlich um den genialsten PR-Coup in de TV-Geschicht“ bi.[9] Bömermann harr dat henkregen, „up een Slag den Alibi-Journalismus vun de TV-Shows just so ut to lachen, as de Online-Medien ehre Berichte, de sik jummerlos bloß upregen doot“[10] For düssen Satire-Bidrag hett Böhmermann den Grimme-Pries kregen.[11]
Böhmermann-Affäre
ännernAn’n 31. März 2016 hett Bömermann in siene Late-Night-Show „Neo Magazin Royale“ over de Grenzen vun Satire snackt un hett dor en Gedicht over den Präsidenten vun de Republiek Törkei vorlesen. Dat hett den Titel „Üüz-Kritik“ (hoochdüütsch in’t Original: „Schmähkritik“) harrt. Dor hett he in gegen Recep Erdoğan üüzt un allerhand Saken over dat Sexleven vun Erdoğan vertellt un em dor mit vun’n Narren holen. Unner annern hett he vertellt:
- Hett he sien Gummimasken an,
- denn sleiht he Deerns: He is de Mann!
- An’n leevsten mag he Zeegen ficken
- un Minnerheiten unnerdrücken.
- Kurden petten, Christen neihn,
- Kinnerpornos finnt he fein.[12].
Böhmermann hett dor en poor mol utdrücklich bi seggt, he stunn nich achter dat Gedicht, man he woll dor bloß mit verklookfideln, wonnehr dat in Düütschland so wiet is, un de Spott is over de Grenzen vun de Freeheit vun Satire weggahn un fallt unner Straaf.[13] Dat ZDF hett den Bidrag een Dag na Utstrahlen ut siene Mediathek rutnahmen un hett de Sendung ok nich wedderhoolt, as dat an un for sik plaant weer. As Grund hett de Senner angeven, de Bidrag pass „nich to de Ansprüch, de dat ZDF an de Qualität vun Satire-Sendungen stellen deit“.[14] Grund for Böhmermann sien Bidrag weer ween, datt Erdoğan vördem den düütschen Ambassadöör in Ankara inbestellen laten hett, vunwegen en Spottleed in dat Satire-Magazin extra 3 an’n 17. März 2016. Dor hett he ok bi verlangt, datt Leed möss löscht weern. In dat Leed weer Erdoğan vörsmeten wurrn, he geev nix up de Freeheit vun de Meenung un vun de Presse. In Politik un Presse hett dat Kritik an Böhmermann sien Gedicht geven, man ok an de Zensur, de dat ZDF sülms utöövt hett. De wecken Kommentaters menen ok, Böhmermann sien Speel mit de Grenzen vun Satire weer nich anners, as genial to nömen[15].
An‘n 6. April 2016 is bekannt wurrn, datt de Staatsanwaltschop Mainz en Verfahren gegen Böhmermann anstrengt hett. Dorachter stunn de Verdacht up „Schimpen un Utlachen vun Organe un Vertreders vun utlannsche Staaten“ nah § 103 STGB. Vördem harr dat al bi 20 Straafanzeigen vun Privatlüde bi de Staatsanwaltschop geven. An’n 10. April 2016 is bekannt wurrn, datt de Regeerung vun de Törkei verlangt harr, Böhmermann möss straafverfolgt weern. De Bundsregeerung hett sik hören laten un seggt, se woll de Verbalnote gründlich pröven un later Bescheed geven, wat dor ut weern schall.[16]
Böhmrmann hett denn sien Uptritt bi de Utgave vun den Grimme-Pries 2016 afseggt. Dor harr he vunwegen #Varoufake sien tweeten Grimmepries kriegen schollt.[17]
An‘n 11. April 2016 hett Erdoğan bi de Staatsanwaltschop Mainz Straafandrag gegen Böhmermann stellt vunwegen „Schimpen un Utlachen“.[18][19].
Siene Produktschoonsfirma hett de Folge vun dat "Neo Magazin Royale" for den 14. April 2016 afseggt. Dat weer so mit em un dat ZDF afsnackt.[20] Bovenhen warrt Böhmermann vun den 12. April af an vun de Polizei schuult.[21]
An'n 15. April 2016 hett de Bundsregeerung dat Straafverfahren gegen Böhmermann freegeven. Kanzlersche Merkel hett verklaart, dat weer nich de Regeerung ehre Upgave, sik dor mit to befaten, ob Böhmermann Straaf verdeent harr. Dat weer Saak vun de Justiz. Datt de Regeerung Verlööf to en Verfahren gegen Böhmermann geven harr, bedüüd nich, datt he dor al mit unner Oordeel stunn.[22]
Warke
ännernRadiomoderatschonen
ännern- 1999–2004: Radio Bremen
- 2004: hr3-Morningshow
- 2009–2011: Die ganz große Jan Böhmermann Radioschau (1 Live/WDR)
- 2010–2011: Beeck & Böhmermann (1 Live) tohopenen mit Simon Beeck
- 2010–2013: Lateline (Bremen Vier, Dasding/SWR, MDR Sputnik, N-Joy/NDR, You FM/hr)
- 2011–2012: Zwei alte Hasen erzählen von früher (Radio Eins/RBB) tohopen mit Klaas Heufer-Umlauf
- 2012: Joko und Klaas mit Olli und Jan (Radio Eins) tohopen mit Olli Schulz
- vun 2012 af an: Sanft & Sorgfältig (Radio Eins, N-Joy, Bremen Vier, Puls/BR, You FM, Dasding)[23] tohopen mit Olli Schulz
TV-Moderatschonen
ännern- 2007: echt Böhmermann, WDR Fernsehen
- 2009: TV Helden, RTL – tohopen mit Caroline Korneli un Pierre M. Krause
- 2012: Roche & Böhmermann, ZDFkultur – tohopen mit Charlotte Roche
- 2012–2013: Lateline, EinsPlus
- 2013–2014: Neo Magazin, ZDFneo
- 2014: Was wäre wenn?, RTL – tohopen mit Katrin Bauerfeind, Palina Rojinski und Jan Köppen
- seit 2015: Neo Magazin Royale, ZDF un ZDFneo
- seit 2016: Schulz & Böhmermann, ZDFneo – tohopen mit Olli Schulz
Wat he rutbrocht hett
ännern- Böker
- Alles, alles über Deutschland. Halbwissen kompakt. 3. Uplage. Kiepenheuer & Witsch, Köln 2016, ISBN 978-3-462-04849-0.
- Höörböker
- Da Original Shaggä – Biddebaba. Audio-CD. G+H Hamborg 2005
- Lukas’ Tagebuch live. Live-Mitschnitt aus dem Gloria-Theater, Köln, vun‘n 23. April 2009. Audio-CD. Roof Music, Baukem 2009, ISBN 978-3-941168-15-2
- Jan Böhmermann liest Alles, alles über Deutschland. 2 Audio-CDs. Roof Music, Bochum 2009, ISBN 978-3-941168-06-0
- Förderschulklassenfahrt ( tohopen mit Klaas Heufer-Umlauf). 1 Audio CD. Roof Music, Baukem 2013, ISBN 978-3-86484-029-6
- Förderschulklassenfahrt 2: Fünf Feinde und der Proletenhund (tohopen mit Klaas Heufer-Umlauf). 1 Audio CD. Roof Music, Baukem 2014, ISBN 978-3-86484-075-3
Utteeknungen
ännern- 2009: Deutscher Fernsehpreis in der Kategorie „Beste Comedy“ for TV Helden
- 2013: Unterhaltungsjournalist des Jahres 2012 (Medium Magazin)
- 2013: Nomineern for den Grimme-Pries in de Kategorie „Unterhaltung“ for Roche & Böhmermann
- 2014: Grimme-Pries in de Kategorie „Unterhaltung“ for Neo Magazin
- 2014: Journalist des Jahres in de Kategorie „Unterhaltung/Kultur“
- 2016: Düütschen Feernsehpries in de Kategorie „Beste Late Night Unterhaltung“ for dat Neo Magazin Royale
- 2016: Grimme-Pries in de Kategorie "Unterhaltung/Spezial/Innovation" for den #Varoufake in de Sendung „Neo Magazin Royale“
- 2016: Grimme-Ehrenpries
Weblenken
ännern
Belege
ännern- ↑ "Neo Magazin Royale": Jan Böhmermann rappt im "Gangsta"-Style Polizeisong, Berliner Morgenpost, 26. November 2015
- ↑ Jan Böhmermann im stern: "Die Leute haben einfach zu viel Abitur", stern.de, 2. Dezember 2015
- ↑ [1]: Jan Böhmermann: Ich bin die fünfte Gewalt, in: Kölnische Rundschau, 2015-10-26, togrepen an’n 2015-12-27
- ↑ [2]: Jan Böhmermann im Gespräch: Privat wie nie! Schriever: Hannes Roß, stern.de, 2015-12-06 togrepen an’n 2016-04-11
- ↑ [3] Jan Böhmermann sprengt mit Stinkefinger-Fakevideo das Internet, meedia.de, 2015-03-19, togrepen an’n 2016-04-11
- ↑ [4] ZDF stellt klar: Böhmermann-Sendung ist Satire, Spiegel Online, 2015-03-19 |togrepen an’n 2016-04-11
- ↑ Presseportal zdf.de (Archive)
- ↑ [5] „Dieser Witz hat nie stattgefunden“, sreu./dpa FAZ.net, 2015-03-19, togrepen an’n 2016-04-11
- ↑ wienerzeitung.at 19. März 2015: Die Wahrheit kann uns mal
- ↑ [6] Die Spaßmacher, Walter Hämmerle, wienerzeitung.at vun’n 2015-03-19, togrepen an’n 2016-04-11
- ↑ [7] Fernsehpreis: Böhmermann bekommt Grimme-Preis für #Varoufake, zeit.de vun’n 2016-03-09, togrepen an’n 2016-04-11
- ↑ [8] Böhmermann gegen Erdogan - Satire gegen Staatskrise - Netzpropaganda.de, Netzpropaganda.de, vun’n 2016-04-12
- ↑ SHZ.de 4. April 2016: Joachim Dreykluft: Blöd, dass Angela Merkel Jan Böhmermann nicht versteht
- ↑ [9] ZDF löscht Böhmermann-Video: Den Narren nicht verstanden, SPIEGEL ONLINE, togrepen an’n 2016-04-04
- ↑ [10] Präsidentenbeleidigung im ZDF: Wer Angst vor Pointen hat, sollte keine Witze senden - Politik - Tagesspiegel|werk=www.tagesspiegel.de, togrepen an’n 2016-04-04
- ↑ [11] Verbalnote an die Bundesregierung: Türkei will Strafprozess gegen Jan Böhmermann, Der Tagesspiegel vun’n 2016-04-10, togrepen an’n 2016-04-10
- ↑ Grimme-Preis in Marl: Böhmermann sagt Auftritt bei Verleihung ab. Tagesschau.de, 8. April 2016.
- ↑ spiegel.de 11. April 2016: Türkischer Strafantrag gegen Böhmermann: "Dieser unverschämte Mann"
- ↑ Tagesschau.de, 11. April 2016
- ↑ [12]
- ↑ [13] Jan Böhmermann steht unter Polizeischutz, FOCUS Online, togrepen an’n 2016-04-12
- ↑ [www.spiegel.de/politik/deutschland/jan-boehmermann-bundesregierung-laesst-strafverfahren-zu-a-1087400.html] Schmähgedicht auf Erdogan: Bundesregierung lässt Strafverfahren gegen Böhmermann zu, SPIEGEL ONLINE, togrepen an'n 2016-04-15
- ↑ [14] Dreamteam Schulz und Böhmermann ab 25. Mai bundesweit im Radio ARD-Pressemeldungen, togrepen an‘n 25. Mai 2014}}