Jandía

Jandía (IPA [xanˈdiːa]) is en Halvinsel ganz in’n Süüdwesten op dat Kanoren-Eiland Fuerteventura. Op de Halvinsel liggt en Bargkeed, von de de Pico de Jandía mit 807 Meter över de See de höögste Barg is. De Bargen sünd Deel von’n Naturpark Jandía. De Süüdspitz von de Halvinsel heet Punta de Jandía. Jandía höört kumplett to de Gemeen Pájara. De längste Beek is de Barranco de Pecenescal.

Haven von Morro Jable

Blick op de Noordküst

De Öörd doot meist all an de Süüdküst liggen. Bi’n Anfang von de Halvinsel liggt Costa Calma (an’n Istmo de la Pared an de engste Steed von de Halvinsel), denn kaamt Mal Nombre, Esquinzo, Piedras Caidas, Solana Matorral, Morro Jable un Puerto de la Cruz. Blots Cofete liggt an de Noordküst.