Jean-Christophe Lafaille

Jean-Christophe Lafaille (* 31. März 1965 in Gap; siet 26. Januar 2006 an’ Makalu vermisst) weer en franzöösch Bargstieger. He gellt as en vun de weltbesten Hööchtbargstieger, de all sien Tippen ahn Suerstoff besteegen hett.

Siet den 26. Januar 2006 wurrd he an den Makalu vermisst, de he alleen un in’ Winter bestiegen wull.

Leven

Mit söben Johr fung Lafaille mit dat Klautern an. Later nehm he ok an Wettbewarfen in’t Sportklautern deel. 1992 hett he de eerste Expeditschonen in dat Himalaya-Gebirge ünnernommen. Tosommen mit Pierre Béghin hett he versöcht, de Süüdwand vun de Annapurna in’ Alpinstil to bestiegen. Béghin is bi dissen Versöök to Dood kommen.

2001 hett Lafaille entscheeden, de Bestiegen vun de noch verbleeven Achtdusender to versöken.

Lafaille harr twee Kinner, en Dochter ut en eerste Ehe und en Söhn ut en tweete Ehe.

Sien Spood bi de Achtdusender

• 1993 Cho Oyu, 8188 m
• 1994 Shisha Pangma Middeltipp, 8008 m
• 1996 Gasherbrum II, 8034 m
• 1996 Hidden Peak (Gasherbrum I), 8080 m
• 1997 Lhotse, 8516 m
• 2000 Manaslu, 8163 m
• 2001 K2, 8611 m
• 2002 Annapurna, 8091 m
• 2003 Dhaulagiri, 8167 m
• 2003 Nanga Parbat, 8125 m
• 2003 Broad Peak, 8051 m
• 2004 Shisha Pangma, de eerste Bestiegen vun dissen 8000er in’ meteorologischen Winter (solo)

To dat Recken vun all 14 Achtdusender hemm hüm noch de Makalu, Kangchendzönga un de Mount Everest fehlt.

De beid Gasherbrums hett Lafaille besteegen, ahn tüschendör in dat Basislager aftostiegen. Hüm gelung dat in’ Alpinstil un binnerhalv vun dree Daag. Dormit weer he de eerste un bit hüüd (Stand: Juli 2008) eenzige Minsch, de de Düppelbestiegen vun de beid Achtdusender in’ Alleengang schafft hett.

Böker

• Gefangener der Annapurna. (tosommen mit Benoît Heimermann), Frederking & Thaler, München 2005, ISBN 3-89405-262-7

Weblenken

• Jean-Christophe Lafaille in de Internet Movie Database (engelsch)