Jean-Jacques Favier

Jean-Jacques Henri Favier (* 13. April 1949 in Kehl, Düütschland; † 19. März 2023 in Albi) weer en franzöösch Astronaut.

Jean-Jacques Favier

Leven

Wetenschaplich Tätigkeit

Favier kreeg 1972 en akademischen Grad in dat Fack Ingenieurwesen vun dat Natschonale Polytechnische Institut vun Grenoble. 1976 kreeg he sien Doktertitel in dat glieke Fack as ok 1977 en in Metallurgie vun de Universität Grenoble. Nah sien Utbillen weer he Berader vun den Direkter an dat Materialforschungszentrum vun de franzöösch Atomenergiekommission för dat MEPHISTO-Programm.

Astronautentätigkeit

In‘n September 1985 wur Favier vun de franzöösch Ruumfohrtbehörde CNES as Astronautenanwärter utwählt. Later weer Favier een vun 61 europääsch bzw. söss franzöösch Kandidaten bi de ESA-Utwahl vun 1991. He wurr aber nich in dat Europääsch Astronautenkorps upnommen. Favier weer 1992 in de Ersatzmannschap för de Space-Shuttle-Mission STS-65.

Favier is an’n 20. Juni 1996 as Bruuklastspezialist mit de Ruumfähre Columbia (STS-78) ünner dat Kommando vun Terence Thomas Henricks to den bit dorhen längsten Floog vun en Space Shuttles (16d 21h 48m) losflagen. Pilot vun disse Mission weer Kevin Richard Kregel. Dorto keemen de Missionsspezialisten Susan Jane Helms, Richard Michael Linnehan un Charles Eldon Brady as ok de tweet Bruuklastspezialist Robert Brent Thirsk ut Kanada. Upgaav weern ünner annern Swoorlosigkeits-Experimente in dat Life and Microgravity Spacelab (LMS), de as Grundlaag för tokünftige Experimente up de Internatschonale Ruumstatschoon (ISS) bruukt wurrn.

To wiederen Insätzen is he nich kommen. Af September 1999 weer he stellvertreedend Direkter för Ruumfohrttechnologie vun de CNES.

Privates

Jean-Jacques Favier un sien FruMmichele harrn veer Kinner. He is an’n 19. März 2023 in dat Öller vun 73 Jahren storven.

Weblinks

Jean-Jacques Favier. Mehr Biller, Videos oder Audiodateien to’t Thema gifft dat bi Wikimedia Commons.

• Körtbiographie bi spacefacts.de
• NASA-Biographie (engelsch, Stand 1996)
• Biographie in der Encyclopedia Astronautica (engelsch, Stand 1995)