Hauptmenü öffnen

Jelena Wiktorowna Golowina, in eenig borns ok Jelena Wladimirowna Golowina,[1] (russisch: Елена Викторовна Головина oder Елена Владимировна Головина[1]; * 16. Februar 1961) is en ehmalge sowjeetsch Biathletin.

In de 1980er- un fröhen 1990er-Johren weer Golowina Liddmaat van de bi Weltmeesterschapen domineerend sowjeetsch Biathlonmannschap.

ErfolgeÄnnern

Weltmeesterschapen

1985 un 1987 bit 1991 wunn Golowina söss Goldmedaillen mit de van 1984 bit 1991 acht Johr lang nich to slahn sowjeetsch Staffel. Doröver herut wunn se mit de sowjeetsch Mannschap van 1989 bit 1991 noch wiedere dree Goldmedaillen.

Neben disse negen Goldmedaillen wurr Golowina 1987 Weltmeesterin in’t Eenzel (vör Wenera Michailowna Tschernyschowa un Anne Elvebakk. Dat bleev aber ok de eenzige Goldmedaille in hör Loopbahn in en Eenzeldisziplin. Twee wiedere Eenzelmedaillen wunn se mit de Sülvermedaille in dat Eenzel 1990 in Minsk (achter Swetlana Dawydowa aber vör Petra Schaaf) as ok de Bronzemedaille in’n Sprint 1991 in Lahti (achter Grete Ingeborg Nykkelmo un Dawydowa). Mit all tosommen teihn Goldmedaillen weer Golowina bit März 2012 de spoodriekste Biathletin bi Weltmeesterschapen. Denn wurr se in disse Statistik van Magdalena Neuner aflööst.

Weltcup

Neben den Weltmeesterschapen weer Golowina ok in’n Biathlon-Weltcup spoodriek. In de Saison 1988/89 weer se de eerste nichskandinaavsch Winnerin van den Gesamtweltcup (vör Natalja Wiktorowna Prikastschikowa un Dawydowa). In de Folgesaison keem se noch up den darten Platz.

Golowina weer 1985 un 1987 sowjeetsch Meesterin mit de Staffel, 1990 in‘n Patrouillenloop. Se hett ok 1992 an Olympisch Winterspelen deelnommen, dor aber kien Medaille wunnen.

WeblinksÄnnern

Enkeld NahwiesenÄnnern

  1. a b Die Dinamo Enzyklopädie (Динамо. Энциклопедия, Autor: Е. А. Школьников. OLMA-Press, Moskau, 2003. Siet 27.) un Sports-Reference (kiek Weblinks) nömmen as Patronym Wladimirowna (Владимировна)