Hauptmenü öffnen

Jens Rittmeyer (* 8. Mai 1975 in Halle) is en düütschen Kock.

Rittmeyer is 1975 in Halle boren.[1] As he mit de School trech weer, keem de Wenn un Rittmeyer hett en Lehr as Kock in Baden maakt. He weer 1991/1992 op Burg Windeck in Bühl, 1992/1993 in dat Allee-Hotel Bären in Baden-Baden, 1994 in dat Restaurant Papalangi von Peter Wehlauer in Baden-Baden un 1995 in dat Restaurant Stahlbad in Baden-Baden.[1] Bi de Bundswehr hett he sien Grundwehrdeenst in en Offzeerskasino in Karlsruhe maakt.

Von 1996 bet 1998 weer he bi dat Hotel im Wasserturm in Köln un 1999 bi Günter Scherrer in dat Victorian in Düsseldörp.[1] 2000 güng he na dat Landhaus Köpp in Xanten un 2001 denn na dat Schlosshotel Lerbach in Bergisch Gldbach bi Dieter Müller.[1] Von dor keem he 2002 in dat Vila Joya ünner Dieter Koschina in Galé an de Algarve.[1] 2003 is he Kökenbaas von dat Restaurante Sao Gabriel in Quinta do Lago worrn.[1] Von dor keem he 2009 för korte Tied na dat Schlosshotel im Grunewald in Berlin un 2010 denn in dat Restaurant KAI3 von dat Hotel Budersand in Hörnum op Sylt un hett dor 2011 sien eersten Michelin-Steern kregen.[1]

2017 hett he dat Restaurant No.4 in dat Navigare NSBhotel in Buxthu övernahmen, un is dor ok för dat Restaurant Seabreeze un de Lighthouse Bar mit tostännig. In’n Guide Michelin 2018 is he wedder mit een Steern uttekent worrn.

Rittmeyer hett twee Kinner.

FootnotenÄnnern