Dat Navigare NSBhotel is en Hotel an de Horbörger Straat 4 in Buxthu.

Historie ännern

Dat Hotel is in de Johren 2000 in en oold Gebüüd ut de Kaisertied anleggt worrn. Bedriever is de Reederee NSB, de en Hotel för ehr Geschäftskunnen hebben wull. Liekers is dat Hotel aver för all Lüüd apen.

In’n September 2008 hett dat Hotel apenmaakt. Dat gifft 32 Kamern.

Gebüüd ännern

Dat Backsteen-Gebüüd mit veer Etaaschen is 1870/1871 as Högere Döchterschool boot worrn. Nadem de Döchterschool mit de Jungsschool to de hüdige Halepaghen-School tohoopleggt worrn is, is dat Gebüüd denn as Volksschool bruukt worrn. In de Johren 1980 is de Reederee NSB in dat Gebüüd intagen un harr dor Büros. In de Johren 2000 is NSB wedder uttagen un dat Gebüüd is as Hotel ümboot worrn.

Dat Gebüüd is as Bodenkmaal schuult.

Gastronomie ännern

In dat Hotel gifft dat de Restaurants No.4 un Seabreeze un de Lighthouse Bar. Kökenbaas is Jens Rittmeyer. Dat Restaurant No.4, dat 2016 apenmaakt hett, is in’n Guide Michelin 2018 dat eerste Maal mit en Michelin-Steern uttekent worrn. Dat Restaurant hett blots veer Disch mit je veer Plätz.

Weblenken ännern


Koordinaten:53° 29′ N, 9° 42′ O