Jesper Worre
Jesper Worre (* 5. Juni 1959 in Frederiksberg) is en ehmalger däänsch Radrennfohrer un hüüd Sportlicher Leiter.
Jesper Worre weer en Allrounder, de in’ Straaten- as ok Bahnradsport spoodriek weer. 1977 wurr he däänsch Meester van de Junioren in dat Mannschapstietforen, 1980 Meester in de sülvig Disziplin bi de Amateure. 1982 wurr he Tweet in de Gesamtwertung van de Settimana Ciclistica Lombarda. 1983 wunn he den Giro del Veneto, 1986 de Däänmark-Rundfohrt un 1988 de Sweden-Rundfohrt as ok de Tour of the Americas. Bi de Vuelta a España wunn he 1990 een Deelstreck. Eenmal, 1989, is he bi de Tour de France antreeden un keem up Platz 88. He is ok bi Sössdaagrennen an den Start gahn.
1986 belegg Worre bi de UCI-Bahn-Weltmeesterschapen in Colorado Springs den darten Rang in de Eenerverfolgung, een Johr later wurr he Viezweltmeester un 1988 keem he noch mal up den darten Platz.
He is ok bi de Olympisch Spelen 1980 in Moskau in dat Mannschapstietfohren an den Start gahn un belegg dor den 10. Platz gemeensam mit Per Kærsgaard, Michael Markussen un Jørgen V. Pedersen).
2011 is Jesper Worre Generalsekretär van den däänschen Radsportverband.
1992 wurr Worre positiv up Doping test. He hett dat ok glieks togeeven un is sietdem för sien strikten Kurs gegen Doping bekannt.[1][2]