Jiggs Whigham
Jiggs Whigham (* 20. August 1943 in Cleveland, Ohio; bürgerlich Naam Oliver Haydn Whigham III) is en Basuunist, Bandleader un Lehrer.
Mit 17 Johren weer he all eerst Solobasuunist vun dat Glenn Miller Orchestra ünner Ray McKinley, twee Johr later bi Stan Kenton.
Nah enjohrig Engagements in New Yorker Studios un Broadway Musicals keem he 1965 nah Düütschland as Solist to dat Jazz-Orchester vun Kurt Edelhagen bi de WDR in Köln. Den eersten Preis kreeg he 1966 bi den eersten Wettstried för Modern Jazz in Wien. Siet den 1970er Johren speel he bi Peter Herbolzheimers Rhythm Combination & Brass. 1976 entstunn sien eerst Album ünner eegen Naam, Hope mit Niels-Henning Ørsted Pedersen un Grady Tate. 1989 nehm he mit Gastmusikers as Bud Shank, George Cables, John Clayton un Jeff Hamilton dat Album The Jiggs Up up. Van 1971 bit 1981 hett he regelmäßig mit de The George Gruntz Concert Jazz Band arbeit. 1979 wurr he Perfesser un Baas vun de Jazz-Afdeelen vun de Hoochschool för Musik Köln. Enn' vun de 1970er-Johren hett Jiggs Whigham tosommen mit de Basuunisten Bill Watrous, Albert Mangelsdorff un Kai Winding de Grupp Trombone Summit bildt, mit de he 1980 för dat düütsch Label MPS en Plattenupnahm makt hett. 1982 hett he mit de WDR Big Band arbeit un nehm dat Album The Third Stone up, mit Arrangements vun Bill Holman.
Van 1995 bit Herbst 2006 weer Jiggs Whigham Perfesser un Baas vun dat Afdeelen för Popularmusik an de Hochschool för Musik „Hanns Eisler“ Berlin un deren Utgründung Jazz-Institut Berlin un hett van 1995 bit 2000 de RIAS Big Band Berlin leit. To Tiet leit Jiggs Whigham de BBC Big Band in London. 2007 un 2009 speel he jeweils en Konzert mit de Big Band Berenbostel.