Jody Williams

Disambig.svg Dit Woort hett noch annere Bedüden: kiek dorför ünner Jody Williams (Mehrdüdig Begreep).

Jody Williams (* 9. Oktober 1950 in Brattleboro, Vermont) is en US-amerikaansch Lehrerin un Minschenrechts-Aktivistin. För hör Insatz kreeg se 1997 gemeensam mit de Internatschonale Kampagne för dat Verbot vun Landminen, deren Sprekerin se is, den Freedensnobelpries.

Jody Williams (2010)

Leven un WarkÄnnern

Williams hett Engelsch un Spaansch studeert. Dornah hett se 1984 hör Masterafsluss in dat Fack internatschonale Betrecken an de Johns Hopkins School of Advanced International Studies in Washington maakt un hett ansluutend Engelsch in Mexiko, London un Washington ünnerricht.

Hör humanitäre Arbeit fung se 1984 bit 1986 as Koordinatorin vun dat „Nicaragua-Honduras Lehrprogramm“ an, in dat amerikaansch Entscheedensdräger vun Politik un Wertschap över de Folgen vun den Börgerkrieg in Middelamerika informeert wurrn. Dornah wurr se Viezdirektorin vun de „Medizinische Hülp för El Salvador“. Dissen Posten behull se bit 1992, as se de Koordinatorin vun de [[International Campaign to Ban Landmines) wurr. 1991 harr se all en Konzept för disse Organisatschoon in‘n Rahmen vun de Vietnam Veterans of America Foundation entwickelt, de se 1991 bitreeden is.

Hör gröttsten Erfolg harr Jody Williams, as se in‘n September 1997 in den Verdrag vun Ottawa recken kunn, dat de Landminen verboden wurrn sullen (eenige Länner, dorünner de USA hemm den Verdrag aber nich ünnerschreeven). Se hett de Politiker un verscheeden Organisatschonen dorvan övertüügt, dat dat ok wertschaplich notwendig is, Landminen to verbeeden, um de Kösten för de medizinisch Versörgen vun Opfern langfristig nich mehr dragen to mööten un so Millionen vun US-Dollar intosporen. De kanaadsch Butenminister Lloyd Axworthy hett vörslah, dissen Verdrag uptosetten, den all Natschonen ünnerschrieven sullen. An’n 3. Dezember 1997 wurr dat Verbot vun Landminen denn dör en Verdragsafsluss in Ottawa dör 122 Natschonen bestätigt.

För den Verdrag vun Ottawa wurrn de Organisatschoon as ok hör Sprekerin mit den Freedensnobelpries 1997 uttekent. All in dat Johr hett de Internatschonale Kampagne för dat Verbot vun Landminen as Daakverband 1.000 Organisatschonen un Aktschoonsgruppen ut över 60 Natschonen umfaat. Jody Williams führt hör Arbeit wieder un is aktuell to’n Bispeel as Mithelperin vun de Landminenkoort vun da Organisatschoon tätig.

LiteraturÄnnern

  • Bernhard Kupfer: Lexikon der Nobelpreisträger und Nobelpreisträgerinnen, Patmos Verlag, Düsseldörp 2001

WeblinksÄnnern

  Jody Williams. Mehr Biller, Videos oder Audiodateien to’t Thema gifft dat bi Wikimedia Commons.