Joe Dodge
Joseph „Joe“ George Dodge (* 9. Februar 1922 in Monroe, Wisconsin; † 18. August 2004[1]) weer en US-amerikaansch Jazz-Slagtüüchspeler.
Joe Dodge wuss an de Westküst vun de USA up un hett Slagtüüchspelen bi en Orchestermusiker lernt. Stilistisch hett he sück eerst an de Bebop Slagtüüchspeler Max Roach un Art Blakey orienteert, sück denn aber för en weeker Klangbild entscheeden, dat he in de Rhythmusgrupp bi den Altsaxophonisten Paul Desmond insetten dee, mit de he ok 1947 en Ensemble bild hett, to de ok de Pianist Dave Brubeck hörrn dee. Dodge speel 1948/49 ok in Nick Espositos Tourneeband un weer van 1953 bit 1956 mit Dave Brubeck up Tournee. 1954 hett he an Desmonds Fantasy Album „Desmond“, 1956 an dat Album „Quintet/Quartet featuring Don Elliott“ mitwarkt.
Mit dat Brubeck-Quartett weer Dodge an de fröhen klassischen Alben vun de Band bedeeligt, so as „Stardust“, „Jazz at the Blackhawk“ un dat Columbia Album „Brubeck Time“ van 1954 mit Desmond un den Bassisten Bob Bates. Nah sien Tätigkeit bi Brubeck is Dodge ut de Musikszene verschwunnen.
Literatur ännern
- Carlo Bohländer u. a.: Reclams Jazzführer. Stuttgart, Reclam, 1977
Weblenken ännern
- Joe Dodge Biography vun Eugene Chadbourne in dat All Music Guide