David Warren „Dave“ Brubeck (* 6. Dezember 1920 in Concord, Kalifornien; † 5. Dezember 2012 in Norwalk, Connecticut[1] weer en US-amerikaansch Jazz-Pianist un tellt to de herutragend Vertreders van de Cool Jazz.

Dave Brubeck, 8. Oktober 1954

He hett Jazz-Standards as "In Your Own Sweet Way" komponeert. Sien Stil reekt van "kultiveert" un "subtil" bit "bombastisch" un wiest dormit up sien klassisch Utbildung dör sien Moder as ok up sien Improvisatschoonstalent henn. Vööl van sien Stücken hebbt ungewöhnlich Taktoorten, mit de he ok vööl experimenteert hett. Dat berühmteste Stück is seeker "Take Five" in 5/4-Takt spöölt van dat Dave Brubeck-Quartett. Anner Stücke sünd "Pick Up Sticks" in 6/4, "Unsquare Dance" in 7/4, und "Blue Rondo A La Turk" in 9/8. Mit disse Experimente is he all in jung Johren up de Buernhof van sien Öllern anfangen.

Brubecks Moder studeer in England Klaveer un wull Konzert-Pianistin wurrn. To Huus hett se nebenbi Klaveer ünnerricht. Dave Brubeck harr dor aber kien Interess dran - he wull lever eegen Melodien maken. He kunn kien Noten lesen und van een Blatt afkieken un spölen kunn he ok nich. As sien Professoren up College dat rutkregen hebbt, wulln se hüm dor all rutschmieten, aber een paar annern seggen, dat he good Fähigkeiten bi de Kontrapunkt un Harmonik harr. Se hebbt hüm denn bestahn laten. He muss aber verspreeken, niemols Klaveer to ünnerrichten.

1942 harr he sien School afslooten un he muss in de Tweete Weltkrieg nah Översee un hett unter George Patton an de Ardennenoffensiev deelnommen. Nah veer Johr hett he bi’t Soldaten uphollen un hett denn dat Mills College besöcht und studeert. Musik harr he all nebenbi mit een Musikgrupp makt.

Dave Brubeck, 2005

Nahdem he sien Studien ünner Milhaud afslotten harr, hett he eerst een Oktett grünnt, wat aber kien Spood harr. Denn hett he een Tiet lang Jazz-Standards spöölt (ünner annern höör damals ok Cal Tjader to sien Grupp), bevör he dat "Dave Brubeck Quartett", mit Joe Dodge, Slagtüüch, Bob Bates, Bass, Paul Desmond Saxophon und Brubeck, Klaveer grünnt hett. Midden van de 1950er wurrn Bates und Dodge dör Eugene Wright und Joe Morello ersett. Eugene Wright is Afroamerikaaner; to de Tiet geevt dat mit Afroamerikaaner noch vööl Probleme dör de Witten. Brubeck hett dorüm ok Konzerte un Fernseh-Uptreden afseegt. 1960 hebbt se dat Album "Time Out" herutbrocht, wat bold Platin kregen hett.

Dave Brubeck, Quartett, 1967

Dat Brubeck-Quartett hett sük 1967 trennt; Brubeck spööl wieder henn mit Desmond un hett ok Upnahmen mit Gerry Mulligan makt. Nah Desmonds Dood 1977 hebbt Mulligan un Brubeck de nähst söss Johr tosommen Upnahmen makt, denn hett Brubeck een niege Grupp mit Perry Robinson bzw. Jerry Bergonzi als Bläser, un dree van sien Söhns, Dan an Slagtüüch, Darius an Bass and Chris an Keyboard. He hett denn noch wieder schreben un Musik makt, ok mit anner Musikers. In de letzt Johren hörrn de Altsaxophonist Bobby Militello, de Bassist Michael Moore (de Alec Dankworth un Jack Six ersett hett) un de Slagtpüüchspeler Randy Jones to sien Quartett. Siet 2006 speelt he aber nich mehr in Europa.

Dave Brubeck hett 1996 de Ehren-Grammy kregen un hett ok een Steern up de "Hollywood Walk of Fame", van sess amerikaanischen Universitäten de Ehrendokter, aber ok van de Universität Nottingham (England), Universität Freiburg un Universität Duisburg. 1994 hett hüm Präsident Clinton de National Medal of the Arts geven.

Weblenken ännern

Enkeld Nahwiesen ännern

  1. Jazz pianist Dave Brubeck dead at age 91 chicagotribune.com, afropen an' 5. Dezember 2012 (engelsch)