Joe Frazier
Joseph William „Joe“ Frazier (* 12. Januar 1944 in Beaufort, South Carolina; † 7. November 2011 in Philadelphia, Pennsylvania[1]) is en US-amerikaanschen Boxer ween. He weer Weltmeester in’t Swaargewicht. Sien Ökelnaam as Boxer weer Smokin’ Joe (Vulldamp-Joe). Frazier is de eerste Boxer ween, de as en Amateur de Goldmedaille bi de Olympschen Speele in’t Swaargewicht wunnen hett (1964 in Tokio) un achterna as Profi den Titel in’t Swaargewicht hoolt hett (1970). Den Welttitel hett Frazier in en Gefecht gegen Jimmy Ellis wunnen. Later hett he den avers an George Foreman wedder verlaren.
Siene dree Wettstriede gegen Muhammad Ali höört to de afsluuten Klassikers mank de Swaargewicht-Wettstriede. 1990 is Frazier in de International Boxing Hall of Fame upnahmen wurrn. He is an’n 7. November 2011 an Leverkrebs sturven.