Joe Kayser
Joe Kayser (* 14. September 1891 in St. Louis, Missouri; † 3. Oktober 1981 in Evanston, Illinois) weer en US-amerikaansch Slagtüüchspeler un Big Bandleader vun den Swing un de Popmusik.
Joe Kayser hörr to de fröh Jazz-Bandleader vun de Middleren Westen vun de USA. He is in St. Louis upwussen, wo he sien musikaalsch Utbilln kreeg. 1917 is he nah New York City trucken un speel Slagtüüch in Earl Fullers Orchester in dat Rector's Restaurant. To dat Oorchester hörr ok Ted Lewis. In’ Eersten Weltkrieg hett Kayser in de US Navy deent. He speel ok in en lütt Navy-Ensemble, to dato k de Violinist Jack Benny horn de. Nah Kriegsenn’ speel he in dat Meyer Davis Orchestra, bevör he 1921 sien eerst fiev-Mann stark Formatschoon in St. Louis grünnd hett, dat he, nahdem he immer mehr Spood harr, ok vergrötert hett. De Band weer ständig up utdehnt Tourneen in Form vun so nömmt One-Night-Stands. Gene Krupa weer tietwies Liddmaat vun disse Band. Kayser hett denn den Hööftsitz vun de Band nah Rockford, dornah 1924 nah Chicago. In de nächst fiev Jahren harr Joe Kayers Orchester ständig Engagements in de Aragon un Trianon Ballrooms. 1929 hett Kayser sien Band uplööst un wurr musikaalsch Direkter un MC bi Diversy Theatre in Chicago. Dornah harr he en ähnlich Position bi Midland Theatre in Kansas City.
1930 is he nah Chicago torüchgahn un harr (mit en nee Band) Engagements in den Arcadia un Mary Garden Ballrooms. In disse Tiet hebbt in sien Orchester völ jung Musikers speelt, de later Vertreder vun den Chicago Jazz weern. He is mit sien Band 1933 un 1934 bi de Weltutstellung uptreden u. a. as Begleitband vun de Danzerin Sally Rand. 1936 hett he de Band aber uplööst un hett as Künstleragent för den Sender NBC arbeit. 1943 wessel he to MCA, för de he dat Büro in Chicago leit hett un wo he bit to sien Rohstand 1955 bleev.
Born
ännern- Leo Walker: The Big Band Almanac. Ward Ritchie Press, Pasadena. 1978