Johann Cornelsen
Johann Theodor Cornelsen (* 22. Oktober 1831 in Hornborg; † 21. Juli 1892 in Stood) weer en düütschen Politiker.
Cornelsen is 1831 in Hornborg boren. He güng in Stood op de School un hett en Lehr as Koopmann maakt.[1] 1854 hett he tohoop mit sien Vedder Georg Heinrich Wehber de Wienhannels-Firma J. F. Wehber & Sohn in Stood övernahmen.[1] Von 1866 af an weer Cornelsen alleen de Besitter.[1] He weer von 1862 af an lange Johren Maat von dat Börgervörsteiher-Kolleg in Stood.[1] Von 1866 bet to sien Dood 1892 weer he as Senater Maat von’n Magistraat von Stood.[1] Ok in’n Hannelsvereen Stood weer he in’n Vörstand un Vörsitter un tosätzlich Öllermann von de Kooplüüd- un Schipperbröderschop in Stood.[1] He weer Maat von de Landschop von de Hartogdömer Bremen un Veern un Viez-Maat von’n Provinziallanddag Hannover.[1] 1892 is Cornelsen Kommerzienraad worrn.[1]
Von Oktober 1884 bet Januar 1887 weer he för den Wahlkreis Provinz Hannover 18 (Stood, Geestemünn, Bremervöör, Oosterholt) un de Natschonalliberale Partei Maat von’n Düütschen Rieksdag.[2]
Cornelsen hett Sophie Elisabeth Steffens freet. De beiden harrn den Söhn Franz (2. Oktober 1868–14. Oktober 1951).
Footnoten ännern
- ↑ a b c d e f g h Bernd Haunfelder: Die liberalen Abgeordneten des Deutschen Reichstags 1871-1918: ein biographisches Handbuch. Aschendorff, 2004, Sied 102
- ↑ Fritz Specht, Paul Schwabe: Die Reichstagswahlen von 1867 bis 1903. Eine Statistik der Reichstagswahlen nebst den Programmen der Parteien und einem Verzeichnis der gewählten Abgeordneten. 2. Oplaag, Verlag Carl Heymann, Berlin 1904, Sied 130