Johann Hieronymus Schröter
Johann Hieronymus Schröter (* 30. August 1745 in Erfurt; † 29. August 1816 ok dor) weer een düütschen Astronom.
Schröter is 1745 as Söhn von Regina Sophie, borene Steckroth, un den Avkaat Paul Christoph Schröter (1686–1754) in Erfurt boren.[1]
Siet 1778 weer he Böveramtmann von dat Amt Lelendaal bi Bremen. Dor hett he aber ok privat een groten Steernwacht inricht, de Steernwacht Leendaal, de tietwies dat tweetgröttste Teleskop harr, nah dat Teleskop van Wilhelm Herschel, dat wat grötter weer. Schröter sien Teleskop harr een Dörmeter van meest 50 cm. Karl Ludwig Harding weer dor tietwies ok as Observator tätig.
Schröter hett sück am meesten mit den Maand- un Planetenforschung beschäftigt. 1813 hebbt hüm de Franzoosen aber sien Steernwacht kört un kleen hauen.
He hett ok een paar astronoomsch Böker schreben:
- 1796: Die Aphroditographischen Fragmente zur genaueren Kenntnis des Planeten Venus
- 1802: Selenotopographische Fragmente (2 Böker)
- 1808: Die Kronographischen Fragmente zur genaueren Kenntnis des Planeten Saturn.
Nah hüm sünd nömmt:
Schröter weer verheiraadt mit Ahlke Lankenau (1762–1837).[1] De beiden harrn den Söhn Johann Friedrich Schröter (11. Juni 1786–1850).[1]