Johann Hinnerk von Brobargen

Johann Hinnerk von Brobargen (* 2. Februar 1624; † 26. November 1671) weer en Ridder ut de Familie von Brobargen un Borgmann op de Hornborg.

Von Brobargen is 1624 as Söhn von Dorothea, borene Plate, un Cord Christoph von Brobargen boren. He weer Arvherr op Eestbrügg.

He hett in eerste Eh Margareta Adelheid von Zesterfleth freet, in twete Eh Anna Catharina Schult (Dochter von’n Landdrost Caspar Schult), in drüdde Eh an’n 6. Juli 1662 Maria Sophia von Düring un in veerte Eh toletzt Margareta Clara von der Lieth.

Von Brobargen schull 1666 Assesser bi dat Hoffgericht Stood warrn. Dor is aver nix von worrn, von wegen, dat he an’n 27. Juli 1666 to’n Präsident von de Ridderschop von dat Hertogdom Bremen wählt worrn is. Dat is he bet to sien Dood 1671 bleven. He is in Hornborg begraven. Sien Liekenpreddig hett de Hornbörger Pastoor Christoph Overbeck hollen.