Hoffgericht Stood
Dat Hoffgericht Stood weer en Hoffgericht von dat Arzstift Bremen (1517-1645), de Hertogdömer Bremen un Veern (1663-1715), dat Kurförstendom Bruunswiek-Lümborg (1715-1810) un dat Königriek Hannover (1815-1832) in Stood.
Dat Gericht is 1517 von’n Bremer Arzbischop Christoph grünnt worrn. Vörher weer de breemsche Landdag in Basdaal för Striedsaken in’n Adel tostännig. In de ole Tied hett blangen dat Hoffgericht ok noch en Böverlandgericht bestahn. As de Sweden Bremen-Veern 1645 innahmen hebbt, hebbt se dat Hoffgericht oplööst un de Justizkanzlie Stood inricht. 1663 sünd denn aver de Justizkanzlie un dat Böverlandgericht tohoopleggt worrn un dorbi is dat Hoffgericht wedder neet inricht worrn.
In de Tied von 1676 bet 1689 na’n Bremen-Veerner Feldtog as bruunswieksche un mönstersche Truppen dat Rebeed innahmen harrn, weer dat Gericht nich aktiv. Dat Hoffgericht hett bet 1832 bestahn.
Stand 1819 bestünn dat Gericht ut de Liddmaten von de Justizkanzlie, söven Assessers un en poor Sekretärs. Direkter weer de Direkter von de Justizkanzlie. De Assessers sünd von de Stänn, von de Ridderschop un de Städer vörslahn worrn. De Ridderschop von Bremen dröff dree Assessers vörslahn, de Ridderschop von Veern een un de dree Städer Stood, Buxthu un Veern ok je een.[1]
Direkters
ännern- –1736: Gustav Carl von Scharnhorst
- 1736–1746: Johann Hinrich von Spilker
- 1746–1751: Johann Friederich von Borries
- 1751–1783: Diederich Basilius von Stade
- 1784–1786: Otto Diederich Wilhelm von Schlütter
- 1787–1794: Georg Arnold von Spilker
- –1798: Gotthelf Dietrich von Ende
- 1798–1800: nüms
- 1800–: Christian Ludwig von Hake
- 1806–1823: Johann Julius Conrad von Schlütter
- 1825–1828: Georg Friedrich Falcke
- 1829–1832: Justus Christoph Leist
