Johann Martin Müller (Pädagoog)

Johann Martin Müller (* 22. Juni 1722 in Wannijere; † 9. Dezember 1781 in Hamborg) weer en düütschen Pädagoog.

Müller is 1722 in Wannijere boren un weer dor op de Hauptschool ünner Rekter Eustasius Friedrich Schütze. As Schütze 1736 an dat Christianeum na Altno gahn is, güng ok Müller na Altno un is dor veer oder fiev Johr bleven.

Sien Landsherr Christian Ernst to Stolberg-Wannijere hett em denn an de Universität Halle schickt, üm Theologie to studeren. As he mit dat Studium meist trech weer, hett he ok al Ünnerricht geven an de Franckeschen Stiftungen. 1745 is he as Huuslehrer bi’n Senior Wagner na Hamborg gahn. 1749 hett he dat Amt as Rekter an de Latienschool in Olenbrook övernahmen un 1750 an de Latienschool Oterndörp. Dor is he bet 1754 bleven. In dat Johr is he as Kunrekter an dat Johanneum in Hamborg gahn un is dor 1773 denn Rekter worrn. Dat is he bet to sien Dood 1781 bleven.

In welk von sien theoretischen Schriften is Müller gegen de Ideen von’n Pädagoog Johann Bernhard Basedow optreden.

Müller harr den Söhn Christian Heinrich Ernst (13. August 1753–26. August 1826).

WarkenÄnnern

  • Historische Nachricht von der Ottendorfischen Schule. 1753
  • Das gelehrte Hadeln. 1753 un 1754 Digitalisat
  • Beitrag zur Geschichte des Johannei. 1779
  • Historischer Beweis, daß das Johanneum auf Hamburgs Wohl und Ruhm großen Einfluß gehabt habe und noch habe. 1781 Digitalisat