Johanna Sacco

Johanna Sacco borene Richard, nöömt Madame Sacco (* 16. November 1754 in Prag; † 21. Dezember 1802 in Wien) weer en düütsch Schauspelerin un Danzerin.

Leven

Johanna Richard wurr 1754 in Prag boren un is nah de Dood vun hör Öllern as Pleegekind vun dat Schauspelerehepaar Koppe 1761 nahwieslich eerstmals uptreden. In Hamborg weer se 1771 eenig Maand Liddmaat vun de Ackermannsche Sellschap un wurr dör Friedrich Ludwig Schröder in Schauspeleree un Danzünnerricht. 1773 is se nah de Heiraat mit den Ballettmeester Sacco to de Ackermannsche Sellschap torüchgahn.

Nahdem dat Ehepaares Sacco nah Wien ümtrucken weer, debuteer se an’ 10. Juli 1776 in de Rull vun de Eugenie in de glieknaamig Kummedie vun Beaumarchais. Hör gröttste Spood weer de Hööftrull in Engel un Gotters Tragödie Medea. Johanna Sacco weer in allen Klassen vun de Wiener Sellschap populär. Fördert wurr se ünner annern dör Kaiser Joseph II., de sück an de Inrichtung vun hör Wahnung bedeeligt un Madame Sacco immer weer finanziell ünnerstütt hett.

1793 hett Johanna Sacco hör Karriere an’t Burgtheater beend. Se is 1802 in Wien storven.

Literatur

• Gutkas, Karl: Österreich zur Zeit Kaiser Joseph II, Niederösterreich Kultur, 1980, S. 643
• Vierhaus, Rudolf: Deutsche biographische Enzyklopädie 8, 2007, S.644

Weblenken

• Paul Schlenther: Sacco, Johanna. In: Allgemeine Deutsche Biographie (ADB). Band 30, Duncker & Humblot, Leipzig 1890, S. 111.
• Johanna Sacco in de Katalog vun de Deutsche Nationalbibliothek