John Frederic Brinckman (* 3. Juli 1814 in Rostock; † 20. September 1870 in Güstrow) weer en plattdüütschen Schriever.

Leven ännern

Sien Vader, de Koopmann un Koptein Caspar Christoph Michael Brinckman, versünk 1824 mit Schipp un Mannschap vör Jütland. Siene Moder weer Dochter vun de Havenkommandant Ruth in Göteborg in Sweden.

Vun 1834 bet 1837 studeer he Juristeree in Rostock. He hett donn ok Kuntakt mit de Burschenschaften hatt, so dat he denn ok vör Gericht müsst. Sien Straf weer obers utsett, doch studeern kunn un wull he ok nich wieder. So gung he denn nah Amerika, wo he denn ok mit de Literatur in Kuntakt keem, de laterhen heel wichtig vör sien eegen Warken warden sull. Nah twee Johrn güng he denn wedder nah Mekelnborg trüg, worüm, dat weet man nich.

1842 bet 1846 weer he Huuslehrer bi Herrn von Schack op Gut Rey bi Neukalen un bi Herrn von Le Fort (Klosterhauptmann in Dobbertin bi Goldbarg).

He weer mit satirisch Lyrik Deel vun de Revolutschoonsbewegung 1848/1849. Brinckman weer Lehrer för Ingelsch, Franzöösch un Latiensch, un geev Privatstünnen in Spaansch.

Siet 1854 schreev John Brinckman plattdüütsche Warken, de hem bekannt mekten.

Brinckman weer verheiraadt mit Elise Burmeister (1821–1904). De beiden harrn den Söhn Max Brinckman (18. Dezember 1846-22. Mai 1927), de later na Horborg gahn is. He weer Ünnernehmer, hett aver ok en Book op Plattdüütsch rutbröcht.

Warken ännern

  • Voß un Swinegel odder Dat Brüden geiht um. Opitz, Güstrow 1854
  • Kasper Ohm un ick. Opitz, Güstrow 1855
  • Vagel Grip. Opitz, Güstrow 1859
  • Peter Lurenz bi Abukir. Rostock 1868
  • Uns’ Herrgott up Reisen. Ein Stippstürken. Kuhn, Rostock 1870
  • Höger up. Mottje Spinkus un de Pelz. De General-Reeder. Dree plattdüütsche Vertellen, Werther, Rostock 1886
  • Von Anno Toback ... Süsserott, Berlin 1905

Böker över Brinckmann ännern

  • Wolfgang Siegmund: John Brinckman - 1814 bis 1870. Ein Lebensbild. Altstadt-Verl., Rostock 2000 ISBN 3-930845-68-7

Weblenken ännern

  Bi’n Wikiborn gifft dat Originalschriften vun den Schriever: John Brinckman.