John Hodge

John Hodge (* 1964 in Glasgow, Schottland) is en britischen Dreihbookschriever un Dokter.

Leven

Hodge is as en Nakamen vun ein Familie vun Dokters in Glasgow boren un opwossen. He hett toeerst de Tradischoon wietermaakt un studeer in de Johren 1982 bit 1987 Medizin an de University of Edinburgh. He hett dorna enige Johren in Edinburgh as Dokter arbeidt. Nadem he dor 1990 op en Filmfestival den Filmproduzent Andrew Macdonald drapen het, füng he dormit an, Dreihböker to schrieven. 1993 is he denn ümtogen na London, wo he ok as Dokter arbeidt hett aver ok wieter Dreihböker schreven hett, ünner annern för Trainspotting. Sien Dreihböker sünd to’n gröttsten Deel vun Danny Boyle ümsett worrn, de för Trainspotting ok en poor Utteken kregen hett.

Filmografie

Johr	Titel
1994	Shallow Grave dt.: Kleine Morde unter Freunden
1996	Trainspotting dt.: Trainspotting – Neue Helden
1997	A Life Less Ordinary dt.: Lebe lieber ungewöhnlich
2000	The Beach
2002	The Final Curtain dt.: Bis zum letzten Vorhang
2007	The Seeker: The Dark Is Rising dt.: Wintersonnenwende – Die Jagd nach den sechs Zeichen des Lichts
2012	The Sweeney dt.: The Crime
2013	Trance dt.: Trance – Gefährliche Erinnerung

Utteken

John Hodge hett för sien Warken dree Filmpriesen kregen. Wietere veer Nomineeren weern em todacht, dorünner ok för den Oscar in de Kategorie Best Dreihbook na Vörlaag för den Film Trainspotting. Wunnen hett he:

• 1996: den BAFTA Film Award in de Kategorie Best Dreihbook för Trainspotting.
• 1997: den BAFTA Scotland Award in de Kategorie Best Speelfilm för Trainspotting.
• 1997: den Evening Standard British Film Awards in de Kategorie Best Dreihbook för Trainspotting.

Weblenken

• John Hodge in de Internet Movie Database (engelsch)