John Michael Kosterlitz
John Michael Kosterlitz (* 22. Juni 1943 in Aberdeen, Schottland) is en britisch Physiker. 2016 wurr hüm de Nobelpries för Physik tospraaken.
Leben
ännernJohn Michael Kosterlitz is as Söhn vun den Biochemiker Hans Walter Kosterlitz in Aberdeen, Schottland, boren, sien Unkel is de düütschamerikaansch, för en Oscar nomineert Filmregisseur Henry Koster. He kreeg 1965 sien B.A. an dat Gonville and Caius College vun de Cambridge University un in dat folgen Johr sien M.A. 1969 hett he sien Doktertitel D.Phil. an de Oxford University maakt. Dornah weer he as Postdoc ünner annern an de Cornell University un de University of Birmingham. 1974 wurr he as Lecturer nah Birmingham beropen. Siet 1982 is he Perfesser för Physik an de Brown University.
Wark
ännernJ. Michael Kosterlitz is besünners bekannt wegen sien Ünnersöken, tosommen mit David James Thouless, to den Berezinsky-Kosterlitz-Thouless-Övergang, bispeelswies in dat tweedimensionalen XY-Modell to dat Beschrieven vun den Magnetismus. Dat hannelt sück um en speziellen Phasenövergang, bi de Paaren vun Wirbel- oder Vortex-Anregungen upbraken wurrn. Dorneben hett he to tallriek Phänomenen in de Statistischen Physik forscht, bispeelswies to Wassdomsperzessen an Kristallböverflachen, to Spinglöös un to de Lokaliseeren vun Elektronen.
Ehrungen
ännern1981 Maxwell-Medaille vun dat Institute of Physics 1992 Fellow vun de American Physical Society (APS) 2000 Lars-Onsager-Pries vun de APS 2007 Liddmat vun de American Academy of Arts and Sciences 2016 Nobelpries för Physik (gemeensam mit David James Thouless un Frederick Duncan Michael Haldane)
Warken
ännern- J. M. Kosterlitz und D. J. Thouless, Ordering, metastability, and phase transitions in two-dimensional systems. In: Journal of Physics C-Solid State Physics Band 6, 1973, S. 1181.
- J. M. Kosterlitz: Critical properties of the two-dimensional XY-model. In: Journal of Physics C-Solid State Physics Band 7, 1974, S. 1046.
- J. M. Kim und J. M. Kosterlitz: Growth in a restricted solid-on-solid model. In: Physical Review Letters. Band 62, 1989, S. 2289.
- F. Drolet, K. R. Elder, M. Grant und J. M. Kosterlitz: Phase-field Modeling of Eutectic Growth. In: Physical Review. Reihe E, Band 61, 2000, S. 6705.