John Oliver Creighton
John Oliver Creighton (* 28. April 1943 in Orange, Texas) is en ehmalger US-amerikaansch Astronaut.
Utbillen ännern
John Creighton kreeg 1966 en Bachelor vun de United States Naval Academy un 1978 en Master in Administration of Science and Technology vun de George Washington University.
1966 gung he to de US Navy un wurr dor to en Marinefleeger utbillt. He weer up den Floogtüüchdräger USS Ranger statschoneert un is Kampinsätze in’n Vietnamkrieg flaagen. Af Juni 1970 hett he en Utbillen to’n Testpiloten maakt un hett anslutend un de Entwicklung för de Drievwaerke vun den F-14-Kampfjet arbeit. Af Juli 1973 weer he veer Johr up den Floogtüüchdräger USS Enterprise in‘n Westpazifik statschoneert.
Astronautentätigkeit ännern
In‘n Januar 1978 wurr Creighton vun de NASA as Astronautenanwärter utwählt. Nah sien Utbillen to’n Shuttle-Piloten hett he veer Johr lang in verscheeden Berieken binnerhalv vun dat Space-Shuttle-Programm. Nah sien eersten Floog wurr he Astronautenspreker för den Shuttle-Programm-Manager. Wiels de folgend twee Johr weer he an den Plaan för de Wedderupnahm vun de Shuttle-Flüüg nah de Challenger-Katastrophe. Af de Mission STS-26 weer he leidend Verbinnensnspreker (CAPCOM) för de eerst veer Shuttle-Flüüg. He hett de Mission Support Branch in dat Astronautenbüro un later de Operations Development Branch leit.
STS-51-G ännern
Creighton weer bi disse Mission, de an' 17. Juni 1985 starten dee, Pilot vun de Ruumfähre Discovery. Sien Kommandant weer Daniel Charles Brandenstein. Missionsspezialisten weern Shannon Lucid, John McCreary Fabian un Steven Ray Nagel. Bruuklastspezialisten bi disse Mission weern Patrick Baudry ut Frankriek un Sultan bin Salman bin Abdulaziz Al Saud ut Saudi-Arabien.
To de Upgaaven vun disse Crew hörr dat Utsetten vun de Kommunikatschonssatelliten för Mexiko (Morelos 1), de Araabsch Liga (Arabsat) un de USA (AT&T Telstar). Buterdem wurr ok de SPARTAN-Satellit utsett un nah 17 Stünnen mit den Roboterarm wedder infangen.
STS-36 ännern
Creighton is an' 28. Februar 1990 mit de Ruumfähre Atlantis to'n tweeten Mal in't All start. Pilot weer John Howard Casper. Dorto keemen de Missionsspezialisten Richard Michael Mullane, David Carl Hilmers un Pierre Joseph Thuot. Wiels de Mission wurr en geheim Satellit vun de US-Luftwappen in en leegen Orbit utsett, vun wo ut de digitale Upklärenssatellite den gröttsten Deel vun de Eerdböverflach överwaaken sull.
STS-48 ännern
Ab‘n 12. September 1991 is Creighton as Kommandant vun de Ruumfähre Discovery to’n darten un letzten Mal in den Weltruum flagen. Sien Pilot bi disse Mission STS-48 weer Kenneth Stanley Reightler. Dorto keemen de Missionsspezialisten James Frederick Buchli, Charles Donald Gemar un Mark Neil Brown.
Bi disse fiev Daag lang düürn Mission wurr de UARS-Satellit to dat Utforschen vun de bövere Atmosphäre utsett. De 6,5-Tonnen-Satellit hett en vun de nipp- un nauesten Studien vun de Eerdatmosphäre dörführt, insluutend de Ozonschicht.
Nah de NASA ännern
Nah sien Utscheeden ut de NASA in’n Juli 1992 wurr Creighton Testpilot bi Boeing.
Weblinks ännern
John Oliver Creighton. Mehr Biller, Videos oder Audiodateien to’t Thema gifft dat bi Wikimedia Commons.