John Warcup Cornforth

Sir John Warcup „Kappa“ Cornforth AC, CBE (* 7. September 1917 in Sydney, Australien; † 14. Dezember 2013^[1]) weer en austraalsch Chemiker. He kreeg 1975 den Nobelpries för Chemie (tosommen mit Vladimir Prelog).

Leven un Wark

Cornforth wurr 1917 in Sydney as tweet vun veer Kinner vun de Familie boren. Sien Kindheit hett he in Armdale, en ländlich Rebeet in New South Wales verbrocht.

Siet sien teihnt Levensjohr hett Cornforth an Otosklerose leeden, de in de Loop vun en Johrteint to en vullstännig Gehörlosigkeit führen dee. Trotz disse Krankheit hett he mit 16 Johr anfungen orgaansch Chemie an de Universität von Sydney to studeeren. 1937, mit 20 Johren, hett he dat Studium spoodriek un mit Utteknung afslooten. Een Johr nah dat Studium kreegen Cornforth un sien latere Fru Rita Harradence en Stipendium in Oxford bi Robert Robinson. De beid hebbt 1941 heiraadt.

Kört Tiet nahdem Cornforth un Harradence hör Stipendium antreden harr, fung de Tweete Weltkrieg an. Dorvan präägt, hett sück Cornforth hööftsächlich mit chemisch Aspekten vun Penicillin befaat. All to disse Tiet harr he de Slötelreaktschoon för de Synthese vun Steroiden opdeckt. He is denn to’n wetenschaplichen Staff vun dat Medical Research Council wesselt, wo hüm 1951 de eerste Totalsynthese vun en Steroid gelung, parallel to de Arbeiten vun Woodward.

Cornforth weer Liddmaat vun de Royal Society, vun de he 1982 de Copley Medal kreeg. He hett noch lang Tiet an de University of Sussex forscht.

Ehrungen un Utteknungen

Cornforth kreeg völ Priesen un Utteknungen. De Royal Society of Chemistry hett hüm 1953 de Corday-Morgan-Medaille un 1965 de Flintoff-Medaille verleeht as ok 1968 de Pedler-und-Robert-Robinson-Dozentur. Vun de American Chemical Society kreeg he 1968 den Ernest Guenther Award. 1975 kreeg Cornforth den Nobelpries för Chemie för sien Arbeiten över de Stereochemie vun Enzym-Katalyse-Reaktschonen.^[2]

Privates

Mit sien Fru Rita harr he 3 Kinner.

Enkeld Nahwiesen

↑ Australian Nobel Prize winner dies at 96
↑ http://books.google.de/books?id=jEy67gEvIuMC&pg=PA571&dq=John+Cornforth+Steroide&as_brr=3&cd=1#v=onepage&q=&f=false, Nobel laureates in chemistry, 1901-1992, vun Laylin K. James, books.google.de, afropen an’ 13. Dezember 2009}}

Weblenken

[1] Australian Nobel Prize winner dies at 96

[2] ttp://books.google.de/books?id=jEy67gEvIuMC&pg=PA571&dq=John+Cornforth+Steroide&as_brr=3&cd=1#v=onepage&q=&f=false, Nobel laureates in chemistry, 1901-1992, vun Laylin K. James, books.google.de, afropen an’ 13. Dezember 2009}}

[1]

[2]