Jose Abelardo Mai
Jose Abelardo Mai is en Politiker ut Belize von de People’s United Party (PUP).
Mai is Zuckerrohr-Farmer ut Orange Walk. He hett en Afsluss (Associate Degree) an dat Belize College of Agriculture in Central Farm un denn en Bachelor of Science in Planten- un Boddenwetenschoppen an de Tuskegee University maakt. Na dat Studium hett he 17 Johr bi dat Ministerium för Bueree von Belize in de Bueree-Beradung arbeidt un weer bi de Belize Marketing & Development Corporation.
Bi de Parlamentswahl in Belize 2008 kunn he sik in’n Wahlkreis Orange Walk Süüd mit 47,73 % von de Stimmen nich gegen Marco Pech von de United Democratic Party (UDP) dörsetten.
Bi de Wahl 2012 kunn he sik in’n sülven Wahlkreis mit 52,80 % von de Stimmen gegen Rosendo Urbina von de UDP dörsetten un ok bi de Wahl 2015 hett he sik mit 50,02 % von de Stimmen wedder dörsett, dütmaal gegen Guadalupe Magana Dyck von de UDP.
An’n 1. April 2016 weer Mai in’n Oort Trial Farm in en Verkehrsunfall verwickelt, bi den Julia Arana (Moder von’n Radrennfohrer Edgar Nissan Arana), de as Footgängerin ünnerwegens weer, swoor versehrt un twee Maand later doodbleven is.[1] Straafrechtlich is Mai dorför nich anklaagt worrn, aver in en Zivilprozess hett dat Gericht de Nablevenen von Julia Arana Smartensgeld un Schadensersatz tospraken.[1] Mai müss över 200.000 Belize-Dollar tahlen.[1]
Footnoten ännern
- ↑ a b c Rowland A. Parks: Hon. Jose Abelardo Mai hit with precedent-setting $200,000 fine in traffic fatality case, Amandala an’n 29. September 2018