Joseph Rheden (* 5. April 1873 in Amlach, Oosttirol; † 6. August 1946 in Lienz) weer en öösterrieksch Astronom.

Leven un Wark ännern

Rheden weer en Swiegersöhn vun den beropenen Astronom Johann Palisa. He studeer vun 1897 bit 1901 an de Universität Wien de Fäcker Astronomie, Mathematik un Physik. Foorts na sien Studium weer he Helpsmann an de Universitätssteernwacht Wien un is 1906 Adjunkt worrn. 1935 güng he as Hoffraat in Rohstand, bleev aver as freewilligen Mitarbeiter an de Steernwacht.

In sien Loopbahn hett sik Rheden vör allen mit de Astrofotografie befaat un Kometen un Planeten beobacht. Butendem hett he sik üm den astronoomschen Tietdeenst sorgt. Se hett he de Steernwacht mit en sülvstboeten Empfänger utrüst, mit de de Klocken vun’t Institut as een vun de eersten de eegenen anwiesten Tieten mit de vun de internatschonalen Funkklock dör Funktietteken abstimmt warrn künnen.

Al in’t Johr 1898 hett he en Instrument utklamüstert, mit dat een de Bahnen vun Meteoren opnehmen künn. Vun 1908 an weer in de Steernwacht dat Fotolabor mit en Normalastrograaf na de Vörgaven vun Rheden inricht. Dormit weer en grote Tall vun Opnahmen maakt, vör allen vun Asteroiden, de de visuellen Opteken vun Palisa kumpletteren deen. Dorbi hett Rheden de dree Asteroiden (744) Aguntina, (771) Libera un (844) Leontina nee opdeckt.

Literatur ännern

Joseph Rheden (pdf). In: Österreichisches Biographisches Lexikon 1815–1950 (ÖBL). Band 9, Verlag vun de Öösterriekschen Akademie vun de Wetenschoppen, Wien 1988, ISBN 3-7001-1483-4, S. 112.

Weblenken ännern