Joshua Lederberg

Joshua Lederberg (* 23. Mai 1925 in Montclair, New Jersey; † 2. Februar 2008 in New York) weer en US-amerikaansch Molekularbioloog un Genetiker.

Joshua Lederberg

Joshua Lederberg (rechts) kriggt de National Medal of Science van George H. W. Bush.

Werdegang

Joshua Lederberg studeer af 1944 an de Columbia University un hett 1947 sien Doktertitel (Ph.D.) an de Yale University bi Edward Tatum maakt. He hett de Molekularbiologin un Genetikerin Esther Lederberg heiraadt un mit hör de so nömmt Lederberg-Methood to dat Överdragen van en Bakterienkolonie van en Petrischale in en en wiedere entwickelt. Van 1947 bit 1959 weer he Perfesser an de University of Wisconsin–Madison, dornah an de Stanford University in Palo Alto (Kalifornien). 1978 kehr he nah New York torüch un wurr de 5. Präsident van de Rockefeller University. Nah sien Pensioneeren 1990 kehr he weer in sien Labor torüch un hett sück wiederhen mit eegen Forschungsprojekten un de Utbillen van Studenten befaat.

Forschungsthemen

1952 kunn Lederberg, footend up de Forschungen van sien Fru Esther Lederberg, gemeensam mit sien Schüler Norton Zinder nachwiesen, dat Bakteriophagen Deelen van en Bakteriengenom up en anner Bakterium överdragen können (Transduktschoon).

In dat sülvig Johr führ he den Begreep Plasmid för de neben den Hööftchromosomen vörliggen ringförmige DNA in. Todem hett he en Verfohren to dat Replica Plating entwickelt.

1960 prääg Joshua Lederberg den Begreep Exobiologie.

In de 1960er Johren hett he mit Edward Albert Feigenbaum dat chemische Expertensystem Dendral entwickelt.

Ehrungen un Utteknungen

• 1958 kreeg he gemeensam mit George Wells Beadle un Edward Tatum för sien Opdecken över genetische Neekombinatschonen un Organisatschoon vun dat genetisch Material bi Bakterien den Nobelpries för Physiologie oder Medizin.
• 1959 wurr he in de American Academy of Arts and Sciences wählt.
• 1989 National Medal of Science
• 2002 Benjamin Franklin Medal van de American Philosophical Society
• 2006 kreeg he de Presidential Medal of Freedom, de hööchste zivile Utteknung van de Vereenigten Staaten.

Literatur

• Stephen S. Morse: Joshua Lederberg (1925–2008). In: Science. Band 319, 7. März 2008, S. 1352, doi:10.1126/science.1156612
• Joshua Lederberg: Encyclopedia of microbiology. Band 1–4, Acad. Press, San Diego 2000, ISBN 0-12-226801-6
• Joshua Lederberg: Biological weapons - limiting the threat. MIT, Cambridge 1999, ISBN 0-262-12216-2
• Joshua Lederberg, 82, a Nobel Winner, Dies. In: The New York Times. 5. Februar 2008 (Nahroop)

Weblenken

Joshua Lederberg. Mehr Biller, Videos oder Audiodateien to’t Thema gifft dat bi Wikimedia Commons.

• [{http://www.nobelprize.org/nobel_prizes/medicine/laureates/1958/ Indrag up de Sieden van den Nobelpries (engelsch)]
• Joshua Lederberg 1925—2008 Biographical Memoir, National Academy of Sciences, Washington 2009 (pdf, 25 S. afropen an' 14. August 2016; 175 kB)