Rockefeller University
De Rockefeller University is en Universität in New York City. Dor befinnd se sück tüschen de 63. un de 68. Straat an de York Avenue an de Upper East Side vun Manhattan Island. De Rockefeller University hett ehrn Swoorpunkt in Forschung un Lehre in‘ biomedizinischen Beriek. Studenten können den Afschluss vun en Doktor vun de Medizin (Beropsdoktorat) oder en Ph.D. erwerben. Todem gifft dat Forschungsstellen för Post-Doktoranden[1]. Dat Motto vun de Universität luut: Scientia pro bono humani generis (latiensch) „Wetenschap to dat Wohl vun dat Minschengeslecht“. De aktuelle Präsident is Richard Priestley Lifton. An de Universität studeeren 200 Studenten.
Geschichte
ännernDe Anfänge vun de Hoochschool liggen to’n Deel in en persönlich Tragödie. Nahdem John Davison Rockefeller Sr. sien Enkel in‘ Januar 1901 an Scharlach storven weer, wurrn de sück över dree Johr hentrucken Planungen vun Frederick T. Gates un John D. Rockefeller Jr. för den Upbau vun en Forschungsinstitut schnell verwirklicht. As Vörbild hemm Forschungszentren in Europa, as de Robert-Koch- un Pasteur-Institute deent. To’n Tietpunkt vun de Grünnen 1901 vun dat Rockefeller Institute for Medical Research wurrn de Infektschonskrankheiten as Scharlach, Masern, Tuberkulose, Diphtherie un Typhus as de gröttsten bekannten Bedrohungen för de minschlich Gesundheit ansehn. Tonächst kreeg dat Institut den Updrag, um ünner annern Probleme vun de apenlich Gesundheit as de bakterielle Kontaminatschoon vun de Melk in New York City to ünnersöken.
Nah twee Johren in dat Utwiekquartier wurrn in dat Johr 1906 de Labore up dat Gelände vun den ehmalgen Schermerhorn Buernhoff an de York Avenue (dormals Avenue A) un 66th Street apen maakt. Vun Anfang an hemm Rockefeller Wetenschapler wichtig Bidrääg to dat Verständnis un Heelen vun Krankheiten maakt. Simon Flexner, de eerst Direktor vun dat Institut, hett en innovativ Drägersystem för en Anti-Serum gegen Meningitis entwickelt; Hideyo Noguchi hett de Syphilis Mikrobe studeert un hett nah de Oorsaak vun Geelfever söcht; Louise Pearce hett en Medikament gegen de Afrikaansch Slaapkrankheit entwickelt un Francis Peyton Rous hett opdeckt, dat Krebs dör en Virus veroorsaakt wurr.[2]
1910 wurr dat Rockefeller Hospital grünnd as eerst Krankenhuus in den USA, dat sück ahn Utnahm mit de klinisch Forschung befaaten dee. Övertüügt dorvan, dat de medizinische Fortschritt sowohl dör Labor-Forschung as ok dör dat Utforschen vun Krankheiten in‘t Krankenhuus den Patienten togoodkommen würr, hett man de best Köpp – dorünner Dokters, Chemiker, Mikrobiologen, Virologen, Immunologen un Neurologen. Dat Rockefeller Institute Hospital weer vun entscheeden Bedüüden för de Upgaven vun dat Institut. As eerst Zentrum för klinisch Forschung in den USA, blifft dat en Oort, an de Forscher Laborünnersöken mit Beobachtungen an dat Krankenbett verknütten, um en wetenschaplich Grundlaag för de Krankheit, Vörbuugen un Behanneln mögelk to maaken. Neben anner Krankheiten hemm de Forscher all fröh in dat Krankenhuus Polio, Hartkrankheiten un Diabetes ünnersöcht. En nee Aart vun Wetenschaplern entstunn ut dit wegwiesend Modell vun dat Forschungs-Hospital: De klinische Forscher, de as Bindeglied tüschen den praktizeeren Dokter un den grundleggen Wetenschapler deent.[3]
Eenig anner wichtig Bidrääg umfaaten de Entwicklung vun de Suerstoff-Kamer, Grippeimpen, Blutchemie Analyse mit den Van Slyke manometrischen Apparat, Methoden to Bloodtransfusion un Lagern vun Blood, diagnostisch Tests för de Blievergiften, nee Therapien to de Behanneln vun Psoriasis un mehrere medikamentöös Therapien vun de HIV- Infektschoon, as ok de detailleert Charakteriseeren vun tallriek Krankheiten, ünner annern vun Poliomyelitis, Morbus Wilson und Porphyrie.
Nah de Upnahm vun den Lehrbedriev, wurr dat Institut 1965 in Rockefeller University umnömmt. An‘ 7. Oktober 2010 fier de Universität dat hunnertjohrig Bestahn vun hör Krankenhuus.[4]
In de Loop vun sien Geschichte kunn de Inrichtung mehr as 20 Nobelpriesdräger hervörbringen.
Persönlichkeiten
ännernDozenten
ännern- David Baltimore, Präsident (1990 bit 1991), Viroloog, Nobelpries för Physiologie oder Medizin 1975
- Günter Blobel, Biochemiker, Nobelpries för Physiologie oder Medizin 1999
- Theodosius Dobzhansky, Genetiker
- Christian de Duve, Biochemiker, Nobelpries för Physiologie oder Medizin 1974
- Gerald Maurice Edelman, Mediziner, Nobelpries för Physiologie oder Medizin 1972
- Mitchell Jay Feigenbaum, Physiker
- Harry Gordon Frankfurt, Philosoph
- Paul Greengard, Biochemiker, Nobelpries för Physiologie oder Medizin 2000
- Haldan Keffer Hartline, Physioloog, Nobelpries för Physiologie oder Medizin 1967
- David Ho, AIDS-Forscher
- Mark Kac, Mathematiker
- Joshua Lederberg, Präsident (1979 bit 1990), Molekularbiologe, Nobelpries för Physiologie oder Medizin 1958
- Albert Joseph Libchaber, Physiker
- Fritz Albert Lipmann, Biochemiker, Nobelpries för Physiologie oder Medizin 1953
- Roderick MacKinnon, Molekulare Neurobiologie un Biophysik, Nobelpreis für Chemie 2000
- Neal Elgar Miller, Psycholoog un Neurowetenschapler, Pionier vun de Biofeedback-Forschung
- Paul Maxime Nurse, Präsident, Biochemiker, Nobelpries för Physiologie oder Medizin 2001
- Frederick Seitz, Präsident (1968 bit 1979), Physiker
- Ralph Marvin Steinman, Immunologie-Forscher, Nobelpries för Physiologie oder Medizin 2011
- Torsten Nils Wiesel, Präsident (1991 bis 1998), Nobelpries för Physiologie oder Medizin 1981
- Michael Warren Young, Chronobioloog, Nobelpries för Physiologie oder Medizin 2017
Forschung
ännern- Oswald Theodore Avery, Mediziner
- Alexis Carrel, Mediziner, Nobelpries för Physiologie oder Medizin 1912
- Albert Claude, Zellbioloog, Nobelpries för Physiologie oder Medizin 1974
- Herbert Spencer Gasser, Neurophysioloog, Nobelpries för Physiologie oder Medizin 1944
- Karl Landsteiner, Patholoog un Seroloog, Nobelpries för Physiologie oder Medizin 1930
- Robert Bruce Merrifield, Chemiker, Nobelpries för Chemie 1984
- Maclyn McCarty, Bioloog
- Stanford Moore, Biochemiker, Nobelpries för Chemie 1972
- John Howard Northrop, Chemiker, Nobelpries för Chemie 1946
- George Emil Palade, Zellbioloog, Nobelpries för Physiologie oder Medizin 1974
- Francis Peyton Rous, Patholoog, Nobelpries för Physiologie oder Medizin 1966
- Wendell Meredith Stanley, Chemiker, Nobelpries för Chemie 1946
- Richard Shope, Viroloog
- William Howard Stein, Biochemiker, Nobelpreis für Chemie 1972
- Edward Lawrie Tatum, Genetiker, Nobelpries för Physiologie oder Medizin 1958
- Thomas Tuschl, Biochemiker/ Molekularbioloog
Afsolventen
ännern- Barbara Ehrenreich, Saakbook-Schrieverin un journalistische Kolumnistin
- Seth Lloyd, Informatiker un Physiker, Perfesser an dat Massachusetts Institute of Technology
Enkeld Nahwiesen
ännern- ↑ The Rockefeller University Quick Facts (engelsch) Ansehn an‘ 31. Dezember 2009
- ↑ Rockefeller University - History
- ↑ 100 Johr Rockefeller University Hospital
- ↑ Centennial Celebration October 7, 2010 at The Rockefeller University in New York City
Weblenken
ännernKoordinaten: 40° 45′ 45″ N, 73° 57′ 20″ W