Julia Richter (Schauspelerin)
Julia Richter (* 14. August 1970 in Berlin) is en düütsch Schauspelerin, de för dat Theater und den Film arbeit.
Leven ännern
Richter fung hör Schauspeelloopbahn all mit söven Johr an un speel meest teihn Johr in dat Kinnerensemble vun den Friedrichstadtpalast. Bi de Theatergrupp „Reißverschluß“ un in dat Theaterstudio Friedrichstraße in Berlin hett se denn den Schauspelerberop lehrt.
Nah dat Enn vun hör Schauspeelutbillen 1993 wurr Richter in de Feernsehreeg Freunde fürs Leben övernommen. Hör Filmedebüt geev se as de lesbisch Kati in de Hööftrull vun de Coming-out-Kummedie Kommt Mausi raus?!. Sietdem weer se in tallriek Hööftrullen, so in Christoph Schrewe sien Die Nacht, in der ganz ehrlich überhaupt niemand Sex hatte un in Florian Gärtner sien Drachenland to sehn. Wiedere Filmrullen harr se in Schwestern as ok Und das ist erst der Anfang. Buterdem is se in tallriek Gastrullen in verscheeden Feernsehserien as Polizeiruf 110 un Der Bulle von Tölz uptreden..
Richter hör Bühnenstatschonen in Berlin weern dat Moderne Theater, dat Theater im Palais un dat Theater 89. Buterhalv vun Berlin speel se aver ok an dat Natschonaltheater Weimar, an dat Thalia-Theater in Hamborg, an’t Volkstheater Rostock un an’t Volkstheater München. För de Dorstellen vun de Julia in Romeo und Julia wurr se 1996 mit den Hersfeldpries vun de Bad Hersfelder Festspiele uttekent.
Filmografie (Utwahl) ännern
Höörböker ännern
- Jana Scheerer: Mein Vater, sein Schwein und ich. BUCHFUNK, Leipzig 2008, ISBN 978-3-86847-103-8