Julie Delpy

Julie Delpy (* 21. Dezember 1969 in Paris) is en franzöösche Schauspelersche, Speelbaas’sche un Singersche.

Julie Delpy, 1991

Leven un Wark

Delpy is de Dochter vun dat Schauspeler-Ehpoor Marie Pillet un Albert Delpy. Se hett an de Filmhoochschool vun New York City en Regiestudium afleggt un leevt vundaag in Los Angeles.

Ehr eerste lütte Rull in’t Kino kreeg se 1985 in Jean-Luc Godard sien Film Détective. Twee Johren later harr se ehr eerste grote Hööftrull in den Film La passion Béatrice vun Bertrand Tavernier. Mit ehr Hööftrull in den Film Europa! Europa! (dt.: Hitlerjunge Salomon), de in Düütschland mit veel Spood lopen is, hett se veel internatschonale Acht op sik lenkt. Dormit hett se ehr internatschonale Loopbahn anfungen. In de Folgetiet hett se ünner anner ünner Speelbasen as Volker Schlöndorff oder Krzysztof Kieślowski speelt.

Blangen de Schauspeleree singt Delpy ok. In’n Harvst 2003 hett se en CD mit ölven Leder in engelsche un franzöösche Spraak rutbröcht, op de se sik sülvst op de Gitarr begleiden deit.

In’t Johr 2007 hett se op de 57. Berlinale den Film Deux jours à Paris vörstellt, bi den se Speelbaas’sche weer. 2009 folg ehr Verfilmen vun’t Leven vun Elisabeth Báthory ünner den Titel The Countess.

Delpy is siet 2004 mit den düütschen Filmkomponist Marc Streitenfeld tosamen. Se hebbt tosamen en Söhn, de 2009 boren weer.

Filmografie (Utwahl)

Johr	Titel	Funkschoon	Synchroonsnacker
1982	Niveau moins trois, Kortfilm	Dorsteller
1985	Détective dt.: Detective	Dorsteller
1986	Mauvais sang dt.: Die Nacht ist jung	Dorsteller
1987	La passion Béatrice dt.: Die Passion der Beatrice	Dorsteller	Dorette Hugo (Synchro 1991)
1990	Europa Europa dt.: Hitlerjunge Salomon	Dorsteller
1991	Homo Faber	Dorsteller	Madeleine Stolze
1992	Warszawa. Année 5703 dt.: Der Daunenträger	Dorsteller
1993	Younger and Younger	Dorsteller
1993	The Three Musketeers dt.: Die drei Musketiere	Dorsteller	Carin C. Tietze
1994	Trzy kolory: Bialy dt.: Drei Farben – Weiß	Dorsteller	sülvst
1995	Blah Blah Blah, Kortfilm	Dorsteller Dreihbook Speelbaas
1995	Before Sunrise dt.: Before Sunrise – Zwischenstopp in Wien	Dorsteller	Nana Spier
1997	An American Werewolf in Paris dt.: American Werewolf in Paris	Dorsteller	Ulrike Stürzbecher
1998	The Treat dt.: Manche mögens anders	Dorsteller	Christine Stichler
1998	Crime and Punishment, Feernsehn dt.: Schuld und Sühne	Dorsteller
2001	Beginner’s Luck	Dorsteller
2001	ER, Feernsehfolgen dt.: Emergency Room – Die Notaufnahme	Dorsteller	Ulriek Stürzbecher
2002	Investigating Sex dt.: Investigating Sex – Auf der Suche nach dem perfekten Orgasmus	Dorsteller	Kristina von Weltzien
2002	Looking for Jimmy	Dorsteller Speelbaas Dreihbook Produzent
2004	Before Sunset	Dorsteller	Nana Spier
2004	Frankenstein, Minireeg dt.: Die Kreatur - Gehasst und gejagt	Dorsteller	Arianne Borbach
2005	Broken Flowers dt.: Broken Flowers – Blumen für die Ex	Dorsteller	Nana Spier
2006	The Legend of Lucy Keyes	Dorsteller	Nana Spier
2006	Guilty Hearts	Dorsteller
2007	2 Days in Paris dt.: 2 Tage in Paris	Dorsteller Speelbaas Dreihbook Produzent	Alexandra Wilcke
2009	The Countess dt.: Die Gräfin	Dorsteller Speelbaas Dreihbook Produzent	Victoria Sturm
2011	Le Skylab dt.: Familientreffen mit Hindernissen	Dorsteller Speelbaas Dreihbook	Alexandra Wilcke
2012	2 Days in New York dt.: 2 Tage New York	Dorsteller Speelbaas Dreihbook Produzent	Alexandra Wilcke
2013	Before Midnight	Dorsteller Dreihbook	Nana Spier
2015	Lolo dt.: Lolo – Drei ist einer zuviel	Dorsteller Dreihbook Speelbaas	Ulrike Stürzbecher
2016	Wiener-Dog dt.: Wiener Dog	Dorsteller	Alexandra Wilcke

Utteken

Delpy weer bit hüüt (Mai 2012) al twintig mol för grote Filmpriesen vörslahn, dorünner ok eenmol för den Oscar in de Best Dreihbook na Vörlaag för Before Sunset. Uttekent weer se mit söven Priesen, dorünner:

• 2004: de SFFCC Award in de Kategorie Beste Schauspelersche för Before Sunset
• 2005: de Empire Award in de Kategorie Beste Schauspelersche för Before Sunset
• 2007: de Coup de Coeur för 2 Days in Paris
• 2011: den Sünnerpries vun de Jury vun’t San Sebastián International Film Festival för Le Skylab

Weblenken

Julie Delpy. Mehr Biller, Videos oder Audiodateien to’t Thema gifft dat bi Wikimedia Commons.

• Julie Delpy in de Internet Movie Database (engelsch)
• Biografie bi film-zeit.de
• Ich weiß nicht mal, was niedlich ist – Julie Delphy in en Interview, FAZ, 23. Juni 2009, mit Biller