Julius I.
Julius I. (latiensch: ut dat Geschlecht vun de Julier; * in Rom; † 12. April 352) wurr an‘ 6. Februar 337 nah en veer Maand düernd Sedisvakanz to‘n Bischop vun Rom (Paapst) as Nahfolger vun Marcus wählt un harr dit Amt bit to sien Dood an‘ 12. April 352 inne.
He is besünners för sien Rull wiels de ariaansch Kontroverse bekannt.
Nahdem de Anhänger vun Eusebius vun Nikomedia up de Synode vun Antiochia in dat Johr 341 dat Afsetten vun Athanasius de Groot nee makt harrn, hebbt de beslooten, Delegierte to’n weströömschen Kaiser Constans un to Paapst Julius to sennen. Letzterer hett beid Parteien inlaaden, nahdem he sien Meenen vör Athanasius bekannt makt harr, hör Fälle en vun hüm leit Synode vörtoleggen. De Bischopen vun de ööstlich Kark hebbt dissen Vörslag aber aflehnt.
Wiels sien tweet Verbannung ut Alexandria keem Athanasius nah Rom un wurr dor vun de 342 afhollen Synode as regulär Bischop anerkannt. Up dat Konzil vun Sardica trucken sück de 76 dellnehmen ööstlichen Bischopen nah Philippopolis torüch un hebbt de Afsetten vun Julius, Athanasius un annern verkünd. De 300 westlichen Bischopen hebbt de Beslüsse vun de röömsch Synode bestätigt. Dör de in‘ 3., 4. un 5. Dekret vun Julius beanspröökt Revisionsrechte un de Bestätigung up dissen Konzil wurr de Positschoon vun dat Paapstdom düütlich starker.
Julius I. gellt as Erbauer vun de Karken Santa Maria in Trastevere un Santi Apostoli in Rom. He weer dat ok, de de Gebortsdag vun Jesus Christus endgültig up den 25. Dezember fastleggt hett.
He wurr in Rom all fröh as Hilliger verehrt. Sien (kathoolsch) Gedenkdag is de 12. April. He gellt as Schuulpatron för de Latrinenreiniger.
| Vörgänger | Amt | Nafolger |
| Marcus | Paapst 337 - 352 |
Liberius |
