Marcus (Bischop vun Rom)

Marcus († 7. Oktober 336) weer in dat Johr 336 för wenige Maand Bischof vun Rom. Vör sien Wahl an‘ 18. Januar weer he Bischop vun Ostia ween.

Marcus, Phantasiedorgestellen in de Basilika Sankt Paul vor den Mauern

Dat wurrd bericht, dat he en Römer ween hemm sall, aber över sien Leven weet man nich völ. Dat gifft Henwiesen, dat de fröhen Listen vun de Bischööp un Merteler, de as Depositio episcoparum un Depositio martyrum bekannt sünd, wiels sien Pontifikat anleggt wurrn sünd. Luut dat Liber Pontificalis sall he ok bestimmt hemm, dat künftig de Bischop vun Ostia den neen Bischop vun Rom weehn sull. Sien Amtstiet fallt in en Tiet vun düchtig Striedereen um den Arianismus.

He hett in Rom twee Basiliken uprichten laaten, den Titulus Marci un Santa Balbina an de Via Ardeatina. In de toletzt nömmt Kark is he ok bisett wurrn.

De Festdag vun den Hilligen Marcus is de 7. Oktober, sien Doodsdag. He wurr un wurrd immer noch faken verwesselt mit den röömschen Merteler Marcus (Fest 18. Juni), in de sien Nähe he begraven wurr.

Literatur

• Manfred Clauss: Marcus. In: Biographisch-Bibliographisches Kirchenlexikon (BBKL). Band 5, Bautz, Herzberg 1993, ISBN 3-88309-043-3, Sp. 781–782.
• Johann Peter Kirsch: Pope St. Mark. In: The Catholic Encyclopedia. Band 9, Robert Appleton Company, New York 1910.

Weblenken

Marcus I. Mehr Biller, Videos oder Audiodateien to’t Thema gifft dat bi Wikimedia Commons.

• Gesamtwark vun Migne Patrologia Latina mit Inholtsverteeken

Vörgänger	Amt	Nafolger
Silvester I.	Bischop vun Rom De Beteknung Paapst geev dat eerst af 384. 336	Julius I.