Jumfern (Insekten)

De Jumfern oder Liekflunken (Zygoptera) sünd en Unnerorden vun de Insekten. Se maakt mit twee annere Unnerorden de Orden vun de Goldpeer ut. Över de ganze Welt hen gifft dat bi 2.700 Aarden vun Jumfern, dormank 49 Sorten in Europa.

Jumfern

Systematik

Stamm:	Liddfööt (Arthropoda)
Ünnerstamm:	Tracheendeerter (Tracheata)
Böverklass:	Sessfööt (Hexapoda)
Klass:	Insekten
Ünnerklass:	Fleeginsekten (Pterygota)
Ornen:	Goldpeer (Odonata)
Ünnerornen:	Jumfern (Zygoptera)

Wetenschoplich Naam

Zygoptera

Sélys, 1854

Jumfern könnt vun de Echten Goldpeer (Anisoptera) goot ut'neen holen weern vunwegen en paar sünnerliche Kennteken: Se sünd allgemeen lichter boot; de Ogen sünd tämlich lüttjet un staht wiet ut'neen; wenn de Deerter sitten gaht, weert de Flunken vun de Jumfern na achtern över dat Lief tohopenfoolt' (bloß nich bi de Diekjumfern). Bi en Echt Goldpeerd staht se na de Siet hen af. De Vör- un de Achterflunken sünd bi de Jumfern liek groot. Dor kummt ok de wetenschoppliche Naam Zygoptera vun her, dat heet up Platt: Liekflunken.

De Jumfern un ok de Echten Goldpeer kennt en Unvullstännigen Gestaltwessel. De Larve strepelt ehre Huut af un warrt denn na dat leste Mol en Insekt mit Flögels un mit faken dannige Farven. De Larve is tämlich lüttjet, bit hen to um un bi twee cm, mit en small Achterlief, wo dree Steertkemen an sitten doot. Se röögt sik dör Hen- un Herswutschen vun dat Achterlief (Bi Echte Goldpeer gifft dat en Strahlandriev).

Taxonomie

In Düütschland

Familie: Beekjumfern (Calopterygidae)
- Soort: Weidebeekjumfer (Calopteryx splendens)
- Soort: Blaue Beekjumfer (Calopteryx virgo)
Familie: Rüschenjumfern oder Diekjumfern (Lestidae)
- Soort: Gemeene Rüschenjumfer (Lestes sponsa)
- Soort: Tangenrüschenjumfer (Lestes dryas)
- Soort: Süüdliche Rüschenjumfer (Lestes barbarus)
- Soort: Spiddelige Rüschenjumfer (Lestes virens)
- Soort: Holtrüschenjumfer (Lestes viridis)
- Soort: Brune Winterjumfer (Sympecma fusca)
- Soort: Nöördliche Winterjumfer (Sympecma paedisca)
Familie: Waterjumfern (Coenagrionidae)
- Soort: Lüttje Lanteern (Ischnura elegans)
- Soort: Spiddelige Grasjumfer (Ischnura pumilio)
- Soort: Watersnuut (Enallagma cyathigerum)
- Soort: Variabel Waterjumfer (Coenagrion pulchellum)
- Soort: Azurwaterjumfer (Coenagrion puella)
- Soort: Merkurwaterjumfer (Coenagrion mercuriale)
- Soort: Gaffelwaterjumfer (Coenagrion scitulum)
- Soort: Speerwaterjumfer (Coenagrion hastulatum)
- Soort: Maandwaterjumfer (Coenagrion lunulatum)
- Soort: Düstere Waterjumfer (Coenagrion armatum) niet in B
- Soort: Grote Rootogenjumfer (Erythromma najas)
- Soort: Lüttje Rootogenjumfer (Erythromma viridulum)
- Soort: Kanaljumfer (Erythromma lindenii)
- Soort: Füerjumfer (Pyrrhosoma nymphula)
- Soort: Koralljumfer (Ceriagrion tenellum)
- Soort: Dwargjumfer (Nehalennia speciosa)
Familie: Breedscheenjumfern (Platycnemididae)
- Soort: Blaue Breedscheenjuffer (Platycnemis pennipes)

All Familien in de Welt

Biller

Borns

Frank Bos, Marcel Wasscher en Weia Reinboud (2007): Veldgids Libellen, KNNV Uitgeverij, 5. Uplaag, ISBN 978-90-5011-264-2
Jill Silsby (2001): Dragonflies of the World, Smithsonian, ISBN 1-56098-959-9